Villafranca (Castellón)
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
- Pa atros emplegos de lo toponimo Villafranca se veiga Villafranca (desambigación).
Villafranca (Villafranca del Cid oficialment en castellano) ye un municipio de lo País Valenciano que se troba en la comarca de l'Alto Mayestrato. La suya población ye de 2.227 habitants (2018), en una superficie de 93,80 km² con una densidat de población de 24,17 hab/km².
| Villafranca | ||
| Municipio d'o País Valenciano | ||
| ||
 Envista de Villafranca. | ||
| Entidat • Estau • Comunidat • Provincia • Comarca |
Municipio Espanya.svg){kind=small} País ValencianoCastellón Alto Mayestrato | |
| Superficie | 93,80 km² | |
| Población • Total |
2148 hab. (2013) | |
| Altaria • Meyana |
1.125 m. | |
| Distancia • 82 km |
enta Castellón de la Plana | |
| Alcalde | Sílvia Colom Monferrer | |
| Codigo postal | 12150 | |
| Coordenadas | | |
| Web oficial | ||
Cheografía editar
Lo municipio de Villafranca se troba situau en la muga occidental de la provincia de Castellón, a 82 km de distancia de la capital. Lo lugar ye en un plano alto a 1.125 m, manimenos la resta de lo termin municipal ye muito accidentada y destacan entre las prencipals alturas Montlat (1.643 m en lo termin de Villafranca y 1.655 en lo de Mosqueruela), lo tozal del Mas de Coder (1.467 m), lo tozal del Mas d'Altava (1.426 m), lo tozal del Mas de la Tosca de Dalt (1.379 m), lo tozal d'Arriello (1.314 m y con nombre aragonés derivau de l'apelliu toponimico que prene nombre de Riello) y el canto d'el Picayo (1.305 m). En la parte mes baixa de lo termin se troba lo río Seco u Montlleó a 710 m sobre lo nibel de la mar. Los puntos mes altos son de piedra calsinera que a vegadas s'ha erosionau dando formas curiosas como en lo parache de Les Coves del Forcall.
Mugas editar
Lo suyo termin municipal muga con Lo Portiel, con Castellfort, con Aras, Benazal, Vistabella, Mosqueruela y La Iglesuela.
| La Iglesuela | Lo Portiel, Castellfort, | Aras |
| La Iglesuela, Mosqueruela | 
|
Benazal |
| Mosqueruela | Vistabella | Benazal |
Historia editar
La fundación de lo lugar se produció lo 7 de febrero de 1239 en la zona dita huei Pobla de Sant Miguel. Lo fundador estió Blasco d'Alagón, que Villafranca lo deciba en latín medieval como Rivus Truitarum u Rivo de las Truytas. Lo puent gotico que cruza lo río de las Truitas estió lo que Chaime I emplegó pa entrar ta tierras valencianas la primera vegada, seguntes lo "Llibre dels Feyts".
Cambió lo nombre pa expresar que yera una villa (no dependient de Moriella) y franca, libre, que dependeba dreitament de lo rei.
Dimpués de perteneixer a la Casa d'Alagón, a la d'Anglesola y de tornar ta la Casa d'Alagón s'incorporó a los Térmens Generals del Castell de Morella lo 14 de mayo de 1303. Lo 27 d'aviento los villafranquins se rebeloron contra las decisions de los churaus morellans, empecipiando una luita por la suya independencia de Moriella que duró cuatro sieglos.
Tamién i heba disputas territorials por lo Castiello del Mallo y la pedanía-santuario de la Estrella, entre 1335 y 1340.
Toponimia editar
Lo primer nombre que ha teniu ha estau Río de las Truitas u Riu de les Truites, nombre que conserva l'actual Riu de les Truites entre los termins municipals de La Iglesuela y Villafranca. Lo nombre orichinal lo cambioron por Vilafranca en catalán y Villafranca en aragonés u castellano.
Por muitos anyos s'ha emplegau pa Villafranca nombres historicament incorrectos. La que s'ha visto mas a sobén ye Villafranca del Cid u Vilafranca del Cid. S'emplegó por primera vegada en 1749 y se cheneralizó en la epoca d'Isabel II. Con este nombre no se prebaba de chustificar la presencia de la palabra Cid como tributo a lo famoso mercenario Rodrigo Díaz de Vivar, que morió 140 anyos antes de la fundación de lo lugar, se prebaba d'adaptar la palabra arabe Zeit que seguntes esta teoría emplegarían los habitadors de lo lugar pa referir-se a Blasco d'Alagón. Esta explicación no tien base historica.
Unatra denominación incorrecta ye la de Villafranca del Maestrazgo u Vilafranca del Maestrat, probable invención de Sanchis Guarner en 1950 y que no tien sentiu porque se creyó franca (libre) y no podeba depender de los Templers, ni de los suyos succesors de Montesa. Villafranca ha perteneixiu historicament a Los Puertos de Moriella dica que la Cheneralidat Valenciana lo mete en la comarca de l'Alto Mayestrato.
La denominación correcta ye, doncas, Villafranca u Vilafranca, sin apelativos ni castellano ni en catalán.
Demografía editar
| ||||||||||||||||||
| ||||||||||||||||||
| 1990- : población de dreito. Fuent: Intercensal en l'INE, Series de población en l'INE y Relación d'unidaz poblacionals en l'INE. | ||||||||||||||||||
Vinclos externos editar
Se veigan as imáchens de Commons sobre Villafranca (Castellón).- (ca) Pachina web municipal.
| Municipios d'a comarca de l'Alto Mayestrato | |
|---|---|
| Albocázar | Aras | Benazal | Villafranca | Catín | Cuéllar | Térich | La Torre d'En Besora | Vilar de Canes |