Río de las Truitas

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O río de las Truitas (Rambla de las Truchas en castellano) ye un río d'a peninsula Iberica, afluent de lo río Alcherez.

Río de las Truitas Rambla de las Truchas
Puent gotico de Villafranca, sobre lo río. Puent gotico de Villafranca, sobre lo río.
Administración
Estaus	{{{estaus}}}
Territorios	Teruel Castellón
Cheografía
Longaria	km
Altaria d'o naixedero	m
Naixedero	Mosqueruela (1.600-1.700 m)
Desembocadura	río Alcherez (Lo Forcallo)
Superficie d'a cuenca	km²
Cabal meyano	m³/s
Mapa

Naixe en lo norte de lo termin municipal de Mosqueruela cerca de la Fuent de la Peniella (en castellano Fuente de la Pinilla), baixa en direción norte pasando entre los términs municipals de La Iglesuela y Villafranca (fendo de muga entre Teruel y Castellón), y pasando cerca de Lo Portiel y Cinctorres dica plegar ta lo Forcallo, a on las suyas auguas y las de lo Río de las Albaredas confluyen con lo río Alcherez.

Tien pocos afluents d'importancia. En La Iglesuela recibe los aportes de lo barranco de la Tosquiella, que encara que siga corto ye de los pocos que levan augua en verano.

En a suya compleganza bi ha presencia de chicotas selvas mixtas submediterranias relictas y d'especies caducifolias en bel meyo de pinars, carrascals y caixicars: avellaneras, acirons, telleras, triemols, ecetra...

Historia

Pa Mosqueruela, lo río de las Truitas ha representato historicament la sola fuent d'enerchía hidraulica pa moler grano y fer-ne farina. Cerca de lo naixedero, una canal esbarraba las auguas enta la ezquierda de lo cauz pa ganar altaria y poder mober las ruedas de molín. En lo sieglo XIV se documentan tres molins propiedat de la familia Gil de Palomar, agora nomás se'n conserva completo que un, dito molino de las truchas y antigament molino del medio. Un kilometro mas enta baixo se troba lo martinete, antigament Molino de la Peniella, que tamién yera ferrería.

En lo tramo que traviesa entre los termins de La Iglesuela y Villafranca, pasa a lo costato de l'aldeya de Villafranca dita Pobla del Ballestar a on que bi ha un puent gotico. Seguntes se diz en lo Llibre dels Feyts esta puent estió la que Chaime I d'Aragón emplegó pa entrar ta tierras valencianas la primera vegata.

Toponimia

En castellano se diz huei Rambla de las Truchas y en lo zaguer tramo en Castellón se diz Rambla de Celumbres. En los textos medievals en latín, aragonés u catalán lo consideran río, y lo denominan de las Truitas u de les Truites.

Tamién se deciba Río de las Truitas a Villafranca, como se vei en una carta de población de 1239 cuan Blasco d'Alagón donó lo terreno d'ixe futuro lugar pa que lo repoblasen:

Notum sit cunctis, quod nos Blascus de Alagon, per nos et omnes successores nostros, cum hac presenti scriptura imperpetuum valitura, damus vobis Marcho de Villarlongo et vobis Garcia Navarro, ad populandum, quandam hereditatem nostram que est in termino de Cuellar, qua hereditas dicitur Rivus de las Truytas.

• Datos: Q3572092