Valle de la Larri

La Larri
La Larri.JPG
La Larri
Administración
Estato
País Flag of Aragon.svg Aragón
Comarca Sobrarbe
'
'
Cabecera {{{cabecera}}}
Capital
Localidatz
Chentilicio {{{chentilicio}}}
Cheolochía
Acceso
Ríos La Larri
Largaria
Orientación Ueste-Este
Cheolochía
Tipo
Macizo Pireneus
Mapa
Pyrenees topographic map-ca.svg
City locator 10.svg

A valle de la Larri ye una valle glaciar penchada sobre a valle de Pineta, en os Pireneus, en a comarca de Sobrarbe, Aragón.

CheolochíaEditar

As cheleras foratiaron, en as cabeceras d'as valles, fondos culs de paretz verticals, dando o suyo tipico modelau en forma d'artesa u d'U a tot o sector d'as valles ocupadas por as luengas glaciars. A la vegada, a excavación de culs y valles destruyió as cuerdas interfluvials, modeladas sobre os repuis d'as planas de cumbres, transformando-las en crenchas acutas. Amás sobreexcavoron chicotas cubetas embudiformes, as qualas en regalar-se o chelo, se convirtioron en ibons.

O suyo fondón ye plano, d'astí o nombre de planas de la Larri y o río de la Larri baixa lento, pero en plegar enta l'altaria de Pineta, caye en saltos d'augua, salvando o desnivel, ta desembocar en a Cinca. Dica fa bells milenios ista valle posiblement permaneixería inundada por un laco de considerable grandaria, formau porque una antiga chelera depositó a morrena que se puet trobar en l'actualidat, y que o río s'encargó de foratiar posteriorment. A os dos cantos d'o barranco, veyemos que poco a poco ha erosionau bells pocos metros d'iste fondón plano, veyendo-se os depositos de chicotas piedras y arenas depositadas en l'antigo laco.

A o fundo s'alufran dos blancos picos: o pico de la Canal (2.768 m) y las Blancas de La Larri (2.902 m). Mas que mas iste zaguero presienta ista color porque ye formau por calsineras (con nodulos de pedrenya adintro), pero no son as calsineras cretacicas d'a resta d'o Parque Nacional d'Ordesa y d'as Tres Serols, sino que istas son muito mas antigas (d'a Era Primaria: Devonico) y son metamorficas, habendo-se transformau mientres ixe proceso de metamorfización en marbres.

ToponimiaEditar

O nombre d'ista val ye probablement relacionau con o vasco (H)ARRI, que significa «penya, roca, crencha», debiu a que bi ha dica tres picos en a zona con iste mesmo nombre. A L- inicial podría explicar-se por estar l'articlo determinau, por o que significaría literalment "la penya". Un atra posible interpretación ye tamién a traviés d'o vasco LARRE «pastizal».[1]

ReferenciasEditar

  1. (es) "El euskera en el Alto Aragón". Gartzen Lacasta Estaun. Cuadernos de Sección. Hizkuntza eta Literatura 12. (1994) p. 141-278, ISSN 0212-3223, Sant Sabastián: Eusko Ikaskuntza

BibliografíaEditar

  • (es) "Ecoguía del Parque Nacional de Ordesa y Monte Perdido". J. Guerrero, Zaragoza:JGC, 2007, ISBN 978-84-611-7713-4
  • (es) "Espacios Naturales Protegidos, Aragón", Departamento de Agricultura y Medio Ambiente, Gubierno d'Aragón, Zaragoza: Deputación Cheneral d'Aragón, 1996, Deposito Legal: Z-115-96

Vinclos externosEditar