Deceneu

Deceneu yera lo sumo sacerdot zalmoxista en los territorios controlatos por lo rei Burebista de Dacia en lo sieglo I antes de Cristo.

Viviba en una espelunga de Cogayon, lo mont sagrato, y nunca no en saliba. Aconsellaba a Burebista, y quan este rei morió, Deceneu prenió lo papel de mandar en lo estato daco.

Mencions en fuents aragonesas

A Deceneu lo citan en la Cronica de Sant Chuan de la Penya como rei godo, egual que atros presonaches dacos. En l'antiguedat, autors como Chordanés asimiloron a los sobirans dacos con los sobirans godos. Las historiografías leyonesas y castellanas consideraban a lo Reino de Leyón una continación de lo Reino Visigodo de Toledo, y d'esta traza en la Cronica General d'Alfonso X el Sabio mencionan a Deceneu. D'esta traza la Cronica de Sant Chuan de la Penya bebe en ixas fuents.

El primer rey con qui exieron los ditos godos de la dita isla huuo nombre Virig el cual fué buen batallero. Et muerto el dito Virig regnó sobre los ditos godos el rey Gaderico, et fué buen rey. Et depues de -14- aquesti regnó su fillo Fillimer. Et depues de aquesti regnó Zuera. Et depues de aquesti regnó Diameu. Et depues de aquesti regnó Calmoxen; et depues de aquesti Acanauso; et depues de aquesti Galafus; et depues de aquesti Calefus; et depues de aquesti Eurefilo; et depues de aquesti Gertufta; et depues de aquesti Dizaneu; et depues de aquesti Deorpeneu, et depues de aquesti regnó Stregot; et depues de aquesti regnó Gniua; et depues de aquesti Arrias; et depues Auriaro; et depues de aquesti Teberich; et depues de aquesti Exmanarich; et depues de aquesti regnaron Federich et Acenaricuo, et regnaron entrambos ensemble. Mas Acenaricuo sobreuiuió et regnó todo solo