Trapa

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Una trapa ye un vano u apertura en o suelo d'una construcción u edificio que fa posible l'acceso enta un piso inferior y se zarra con una portichona con alguazas horizontals u mesmo con una tapadera que se mete entrascada en o forato y, pa ubrir-la, cal fer-la correr. A propia tapadera u puerta puede recibir o nombre de «trapa».

Una trapa en o solero d'una falsa. (Dachboden, olio sobre lienzo d'Ernst Thoms, 1926).

De trapas, se'n gosa fer en os suelos de madera (soleros u soleras) de construccions rusticas como as bordas u bella vez tamién pa fer l'acceso enta la falsa d'as casas an que no se i puede fer llegar una escalera d'obra. En as bordas que o patio ye una cuadra y en o solero i tienen o pallero, se sole fer trapas en lo alto de o pesebre u rastillera pa fer cayer a hierba namás con aventar-la.

Se veiga tamién

• Trampa.
• Chuelo.
• Loseta.
• Solero.
• Gatera.