Rastillera

«Rastillo» reendreza enta este articlo. Pa la ferramienta que s'emplega pa rastillar, se veiga Rasclo.

Un rastillo[1][2][3] u una rastilla[4] (u tamién, quan ye de mida gran, rastillera[5]) ye un tipo d'estructura feita de metal u fusta ta meter-ie la pastura adintro ta que lo bestiar pueda minchar-ne. Consiste en una rella de fierro u bell altro material posato en vertical u fendo una sección trapecica u trapezoidal, ubierta per alto que ye la parte más ampla, y más estreito per a base. A separación d'entre os palos d'a rella ha d'estar prou ampla ta que os animals i puedan meter o morro.

Una rastillera.

A misión ye que se i puedan meter os faixos de pastura de manera comoda per alto y que i sigan accesibles a os animals. Existen rastilleras immóbils que van penchatas en a paret u en a barana d'as corrals, y tamién atros modelos móbils (con patas) ta aplicar-las en qualsiquier puesto d'o recinto.

ReferenciasEditar

  1. CASTILLO SEAS, Fabián. Bocabulario de l'aragonés d'Alquezra y lugars d'a Redolada. Consello d'a Fabla aragonesa, 2001. ISBN 84-86036-94-1
  2. RÍOS NASARRE, Paz. Bocabulario d'o Semontano de Balbastro (de Salas Altas y a redolada). Consello d'a Fabla Aragonesa, 1997. ISBN 84-86036-63-1
  3. BARCOS, Miguel Ánchel, El Aragonés Ansotano: estudio lingüístico de Ansó y Fago; Institución «Fernando el Católico» + Gara d'Edizions, 2007. ISBN 978-84-8094-058-0
  4. BLAS, Fernando y ROMANOS, Fernando, El Aragonés de Baixo Peñas; Institución «Fernando el Católico» + Gara d'Edizions, 2005. ISBN 84-8094-054-9
  5. BLAS, Fernando y ROMANOS, Fernando, Diccionario Aragonés: Chistabín-Castellano; Institución «Fernando el Católico» + Gara d'Edizions, 2008. ISBN 978-84-8094-061-0

Se veiga tamiénEditar