Total Recall
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Total Recall | |
|---|---|
| |
| Ficha tecnica | |
| Dirección | Paul Verhoeven |
| Producción | Buzz Feitshans Ronald Shusett Mario Kassar |
| Guión | Ronald Shusett Dan O'Bannon Gary Goldman |
| Musica | Jerry Goldsmith |
| Fotografía | Jost Vacano |
| Montache | Carlos Puente Frank J. Urioste |
| Actors | Arnold Schwarzenegger Rachel Ticotin Sharon Stone Michael Ironside Ronny Cox |
| Datos y cifras | |
| País(es) | Estaus Unius |
| Anyo | 1990 |
| Chenero(s) | Cine de ciencia-ficción Cine d'acción |
| Durada | 113 min. |
| Idioma(s) | Anglés |
| Companyías | |
| Productora(s) | Carolco Pictures |
| Distribución | TriStar Pictures |
| Presupuesto | 50 u 60 millons de dólars |
| Informacions en bases de datos especializadas: | |
           
| |
Total Recall (títol orichinal en anglés, enguerada en Aragón con o títol en castellano de Desafío total) ye una cinta de cine estausunidense de cine de ciencia-ficción d'acción de l'anyo 1990, dirichida por Paul Verhoeven y producida por Buzz Feitshans, Ronald Shusett y Mario Kassar con guión de Ronald Shusett, Dan O'Bannon y Gary Goldman, protagonizada por Arnold Schwarzenegger, Rachel Ticotin, Sharon Stone, Michael Ironside y Ronny Cox.
A cinta ye basada librement en o cuento curto de 1966 de Philip K. Dick "We Can Remember It for You Wholesale".
A cinta conta l'historia d'un treballador d'a construcción que de sopetón se veye embolicau en una trama d'espionache en Marte y no puede determinar si as suyas experiencias son reals u lo resultau d'implantes de memoria. Estió escrito por Ronald Shusett, Dan O'Bannon, Jon Povill y Gary Goldman, y ganó un Premio Oscar Especial por os suyos efectos visuals. A partitura orichinal, composada por Jerry Goldsmith, ganó o premio BMI Film Music Award.
Con un presupuesto de 50 a 60 millons de dolars, Total Recall estió una d' as cintas mas caras realizadas en l'inte d'o suyo estreno[1], encara que as estimacions d'o suyo presupuesto de producción vareyan y no se sabe con aseguranza si bella vegada tenió o récord de cinta mas cara. A cinta replegó $ 261 millons en tot o mundo.
Reparto
editar- Arnold Schwarzenegger como Douglas Cuaid / Carl Hauser
- Rachel Ticotin como Melina
- Sharon Stone como Lori Cuaid
- Ronny Cox como Vilos Cohaagen
- Michael Ironside como Richter
- Mel Johnson Jr. como Benny
- Marshall Bel como George/Kuato
- Roy Brocksmith como Dr. Edgemar
- Ray Baker como Bob McClane
- Michael Campbell como Helm
- Rosemary Dunsmore como Dr. Renata Lull
- Robert Costanzo como Harry
- Marc Alaimo como Captain Everett
- Dean Norris como Tony
- Debbie Lee Carrington como Thumbelina
- Lycia Naff como Mary
Argumento
editarEn 2084, o treballador d' a construcción Douglas Quaid tien suenios inquietants sobre Marte y una muller misteriosa allí. A suya esposa Lori ye despectiva con Marte, an o gubernador, Vilos Cohaagen, ye luitando contra una rebelión. Quaid visita Rekall, una empresa que implanta recosiros falsos de vacanzas, y elige un viache enta Marte como achent secreto. Manimenos, o procedimiento sale malament perque Quaid ha suprimiu os recosiros d'estar un achent secreto en Marte.
Os emplegaus de Rekall lo sedan, le borran a memoria d'a suya visita y lo ninvian enta casa. En o camín, Quaid ye atacau por o suyo colega de treballo Harry y atros hombres, y se veye obligau a matar-los. En casa, Lori l'ataca, afirmando que o suyo matrimonio ye un implante de memoria falsa, y l'Achencia la ninvió a monitoriar a Quaid. Quaid incapacita a Lori y fuye ascape, encorriu por hombres armaus lideraus por Richter, l'achent de Cohaagen y o verdadero mariu de Lori.
Dimpués d'evadir l' os suyos atacants, Quaid recibe una maleta que contiene diners, dispositivos, identificacions falsas y una gravación de video en a quala Quaid s'identifica a él mesmo como Hauser y explica que gosaba treballar pa Cohaagen, pero cambió de bando dimpués d'enterar-se d'un artefacto alienichena en Marte., sozmetendo-se a l'escoscamiento d'a suya memoria pa protecher-se. Hauser le indica a Quaid que retire un dispositivo de rastreyo ubicau adintro d'o suyo cranio y le ordena que vaiga enta Marte. A la suya plegada, Quaid troba una nota de Hauser que l'endreza a Venusville, un barrio royo poblau por personas mutadas como resultau d'una protección deficient contra a radiación. Conoixe a Benny, un taxista, y Melina, a muller d'os suyos suenios, pero ella lo refusa, creyendo que encara treballa pa Cohaagen.
Quaid dimpués se troba con o Dr. Edgemar y Lori de Rekall. Edgemar afirma que a causa que d'una embolia esquizoide, Quaid ye atrapau en una fantesía d'os recosiros implantaus: él y Lori se ficoron en a fantesía y ofreix una pindola que le indicará a Quaid que se dispierte. En veyer a Edgemar sudando, Quaid para cuenta de que ye real y lo mata. Os hombres de Richter irrumpen en a cambra y capturan a Quaid, pero Melina plega y ataca a los hombres. Quaid mata a Lori y escapa con Melina.
Fuyen enta Venusville con Benny y son conducius a un túnel secreto. Incapaz de localizar a Quaid, Cohaagen amorta a ventilación de l' aria, afogando a toz lentament. Quaid, Melina y Benny son levaus a una base rebelde an Quaid ye presentau a lo suyo lider, o mutant Kuato qui ye auniu a lo suyo chirmán George. Kuato leye a mente de Quaid, recordando una discusión con Cohaagen y Richter sobre l'artefacto marciano y o suyo proposito. As fuerzas de Cohaagen irrumpen y matan a la mayoría d'os rebeldes. Quaid, George / Kuato, Melina y Benny escapan por una inclusa d'aire, pero sorprendentment, Benny mata a George y revela a suya alianza con Cohaagen. Antis de morir, Kuato implora a Quaid que active o reactor alienichena.
Quaid y Melina son levaus a Cohaagen, qui reproduz unatro video, en o cual Hauser explica que a personalidat de Quaid estió una estruzia pa enganyuflar as habilidaz psiquicas d'os mutants, infiltrar-se en os mutants y exposar a Kuato, acabando asinas con a rebelión. Cohaagen ordena que Quaid sía reprogramau con os recosiros de Hauser y que Melina sía reprogramada como a suya obedient muller, pero escapan ent'as menas an se troba o reactor. Benny los ataca en una maquina d'excavación, pero Quaid lo mata. Quaid y Melina dimpués burlan y matan a Richter y os suyos hombres que les tendioron una emboscada.
Quaid plega a la sala de control d'o reactor, an Cohaagen ye asperando con una bomba, afirmando que en encetar o reactor los destruirá a toz. Melina plega y dispara a Cohaagen, pero él enchega o temporizador d'a bomba. Quaid lanza a bomba por un túnel, lo que provoca una descompresión explosiva. Quaid empenta a Cohaagen a un costau, lanzando-lo a la superficie marciana, an s'afoga y muere. Quaid aconsigue activar o reactor antis que él y Melina tamién s'amorten.
As barras d'o reactor se desplegan, sublimando a chelera de turbinio debaixo y liberando gas, que esclata en a superficie y forma una atmosfera planetaria respirable. Quaid y Melina aconsiguen sobrevivir a la suya breu descompresión. Con a nueva atmosfera respirable, Venusville y a resta d'a población de Marte se salvan. Mientras toz contemplan o nuevo ciel azul, Quaid fa una pausa momentania pa preguntar-se si ye soniando u no, antis de tornar-se pa besar a Melina.
Producción
editarO guión orichinal estió escrito por Dan O'Bannon y Ronald Shusett, os escritors d'Alien, qui escribioron o guión inicial antis d' a suya colaboración en Alien. Heban mercau os dreitos d'o cuento de Philip K. Dick "We Can Remember It for You Wholesale" entre que Dick encara yera vivo. Incapaz de trobar un patrocinador pa o prochecto, se fundió en l'infierno d'o desembolique, pasando d' estudio en estudio mientres diversos anyos, mientres os cuals s'escribioron bel cuaranta borradors d'o guión.[2]
A meyaus d'o decenio de 1980, o productor Dino De Laurentiis asumió o prochecto con Richard Dreyfuss como protagonista. Patrick Swayze, o que recientment i heba protagonizau Dirty Dancing, tamién estió considerau pa o paper. En 1987, s'anunció que De Laurentiis ferba a cinta como a primera producción pa a suya companyía DEG en os nuevos estudios cinematograficos de De Laurentiis en Gold Coast, con Bruce Beresford pa endrezar a partir d'un guión d' O'Bannon y Shusett. Ista versión d' a cinta nunca se fazió.
David Cronenberg recibió o guión de De Laurentiis, que en a suya opinión tenió un gran encomienzo, pero a mida que avanzaba sintió que O'Bannon y Shusett no sabeban qué fer con l'historia. Cronenberg describió o suyo treballo en o prochecto como una luita constant y, finalment, barallando con Shusett: "Treballé en él mientres un anyo y facié arredol de 12 borradors. Finalment, plegamos a un punto en o cual Ron Shusett dició: 'Sabes lo que has feito? Has feito a versión de Philip K. Dick. Dicié: 'No ye ixo lo que se suposa que hemos de fer? ' Él dició: 'No, no, queremos fer Raiders of the Lost Ark en Marte".[3] Cronenberg teneba l' intención d' esleyer a William Hurt pa o paper y visualizó a cinta como "Spider va a Marte". Shusett afirmó que unatra razón por a cual Cronenberg abandonó a cinta estió perque en a epoca en que Dreyfuss va estar embrecau, o director quereba adoptar un enfoque diferent y, en parolas de Shusett, yera "de sopetón [... ] en contra d'as suyas propias ideas" dimpués de cualques desalcuerdos. Encara que no estió acreditau en a versión zaguera d' a cinta, Cronenberg orichinó l' ideya de mutants en Marte, incluiu o personache de Kuato (escrito Quato en o suyo guión).[4] Cuan l'adaptación de Dune fracasó en a taquilla, De Laurentiis tamién perdió l'entusiasmo por o prochecto.
O colapso d' a companyía de De Laurentiis proporcionó una oportunidat pa Schwarzenegger, qui s'heba amanau sin exito a lo productor pa protagonizar a cinta. Schwarzenegger s'heba enterau por primera vegada d'o prochecto entre que filmaba Raw Deal, que i heba estau distribuiu por De Laurentiis Entertainment Group. Inicialment discutió fer a cinta con o productor de Predator Joel Silver entre que treballaba en ixa cinta, pero iste prochecto nunca plegaría a buen termin.[5] Convenció a Carolco pa que mercase os dreitos d'a cinta por $ 3 millons comparativament baratos y negoció un salario de $ 10-11 millons (mas o 15 % d' as ganancias) pa protagonizar, con un grau inusualment amplo de control sobre a producción. Obtenió poder pa vedar sobre o productor, director, guión, coprotagonistas y promoción. Schwarzenegger primer reclutó personalment a Paul Verhoeven pa endrezar a cinta, dimpués d' haber quedau impresionau por RoboCop d'o director holandés (por o cual Schwarzenegger estió considerau pa o paper prencipal). Pa alavez, o guión i heba pasau por 42 borradors, pero encara le faltaba un tercer acto. Luego, Schwarzenegger contrató a Gary Goldman pa que treballase con Ronald Shusett pa desembolicar o zaguer borrador d'o guión.[6] O director tamién trayió a muitos d' os suyos colaboradors en RoboCop, incluiu l' actor Ronny Cox, o director de fotografía Jost Vacano, o disenyador de producción William Sandell, l' editor Frank J. Urioste y o disenyador d' efectos especials Rob Bottin.[7]
Gran parti d'o rodache tenió puesto dende o 20 de marzo de 1989 dica lo 23 d'agosto de 1989 en locaciones d' a Ciudat de Mexico y en os Estudios Churubusco. A estación de metro y os vehiclos futuristas son en realidat parti d'o Metro d' a Ciudad de Mexico, con os vagons pintaus de griso y monitors de televisión adhibius. L'interior d' as estacions de metro Chabacano y Universidad y l' exterior d'a estación de metro Insurgentes estioron emplegaus en o rodache.
Se veiga tamién
editarReferencias
editar- ↑ (en) Keesey, Douglas (2005). Paul Verhoeven. pp. 119, 123. ISBN 3-8228-3101-8.
- ↑ (en) Murray, Will (July 1990). "Man Without Memory". Starlog (156): 50–55, 79
- ↑ (en) The Second Coming of Philip K. Dick en Wired.com
- ↑ (en) Robb, Brian J. (2006), Counterfeit Worlds: Philip K. Dick on Film, Titan Books, pp. 15, 158-159, ISBN 1-84023-968-9
- ↑ (en) Murray, Will (July 1990). "Man Without Memory". Starlog (156): 50–55, 79.
- ↑ (en) Leamer, Laurence. Fantastic: The Life of Arnold Schwarzenegger, pp. 259–262. Macmillan, 2006. ISBN 0-312-93301-0
- ↑ (en) Lichtenfeld, Eric. Action Speaks Louder: Violence, Spectacle, and the American Action Movie. Wesleyan University Press, 2007. ISBN 0-8195-6801-5
Datos: Q222018
Multimedia: Total Recall (1990 film) / Q222018
