RoboCop
ROBOCOP.jpg
Ficha tecnica
Dirección Paul Verhoeven
Producción Arne Schmidt
Guión Edward Neumeier
Michael Miner
Musica Basil Poledouris[1]
Fotografía Jost Vacano
Montache Frank J. Urioste
Actors Peter Weller
Nancy Allen
Daniel O'Herlihy
Ronny Cox
Kurtwood Smith
Miguel Ferrer
Datos y cifras
País(es) Estaus Unius
Anyo 1987
Chenero sciencia ficción
Durada 102 min.
Companyías
Productora Orion Pictures
Destribución Orion Pictures
Presupuesto 13.7 millons de dólars

RoboCop ye una cinta estausunidense de cine de sciencia ficción de l'anyo 1987, endrezada por Paul Verhoeven y producida por Arne Schmidt con guión de Edward Neumeier y Michael Miner, protagonizada por Peter Weller, Nancy Allen, Daniel O'Herlihy, Ronny Cox, Kurtwood Smith y Miguel Ferrer.

RoboCop, ambientada en un Detroit, Michigan (Estaus Unius), plagau de crimens, en un futuro cercano, se centra en l'oficial de policía Alex Murphy (Peter Weller), qui ye asasinau por una banda de malfeitors y posteriorment reviviu por a megacorporación Omni Consumer Products como RoboCop, un cyborg que fa complir a lei. Sin dar-se cuenta d'a suya vida anterior, RoboCop executa una campanya brutal contra o crimen entre que accepta os fragmentos persistents d'a suya humanidat. A cinta ha estau analisada por temas que incluyen a naturaleza de l'humanidat, l'identidat personal, l'angluzia corporativa, a corrupción y ye anvista como una carranya d' as politicas de Ronald Reagan.

A cinta estió concebida por Neumeier entre que treballaba en o set de Blade Runner (1982), y desembolicó l'ideya encara mas con Miner. O suyo guión estió mercau en primerías de 1985 por o productor Jon Davison en nombre d'Orion Pictures. Trobar un director resultó dificil; Verhoeven descartó o guión dos vegadas perque no entendió o suyo conteniu satirico dica que a suya esposa lo convenció. O rodache tenió puesto entre agosto y octubre de 1986, prencipalment en Dallas, Texas. Rob Bottin endrezó a l'equipo d'efectos especials en a creyación d'efectos practicos y o desfraz de RoboCop. Verhoeven enfatizó a violencia a lo largo d' a cinta, fendo-la tant extravagant que se tornó comica. Con tot y con ixo, os censors creyioron que yera masiada extrema y diversas scenas s'alcorzoron u modificoron pa asegurar una calificación teatral aceptable.

Manimenos as dificultatz previstas en a comercialización d' a cinta, particularment a causa d'o suyo titol, s'asperaba que a cinta tenese un buen desempenyo en base a las procheccions de criticos previas a lo lanzamiento y a lo boca a boca positivo. RoboCop estió un exito financiero sorpresa dimpués o suyo lanzamiento en chulio de 1987, ganando 53,4 millons de dolars. As criticas emponderoron a cinta como una cinta d'acción intelichent con mensaches filosoficos mas profundos y satira, pero yeran mas en conflicto por a violencia extrema en tot inte. A cinta estió nominada a diversos premios y recibió un premio Oscar de l'Academia y numbrosos premios Saturn.

L'exito de RoboCop creyó una franquicia que comprende as seqüelas RoboCop 2 y RoboCop 3, series animadas pa ninos, multiples programas de televisión d' acción en vivo, videochuegos, cómics, chuguetz, ropa y atros productos. Un reboot, tamién clamau RoboCop, estió lanzado en 2014. Una seqüela directa d' a cinta orichinal de 1987, tetulada provisionalment RoboCop Returns, ye en desembolique dende 2020; ista cinta ignora atras entradas d'a serie.

RepartoEditar

ReferenciasEditar

  1. (en) Bartkowiak, Mathew J. (2010). Sounds of the Future: Essays on Music in Science Fiction Film. McFarland. p. 239. ISBN 0786456507.