Raiders of the Lost Ark

cinta de 1981 dirichita por Steven Spielberg
Raiders of the Lost Ark
Hollywood Studios - Indy and the idol - by hyku.jpg
Ficha tecnica
Dirección Steven Spielberg
Producción Frank Marshall
Guión Lawrence Kasdan
Musica John Williams
Fotografía Douglas Slocombe
Montache Michael Kahn
Actors Harrison Ford
Karen Allen
Paul Freeman
Ronald Lacey
John Rhys-Davies
Denholm Elliott
Datos y cifras
País(es) Estaus Unius
Anyo 1981
Chenero aventuras
Durada 115 min.
Companyías
Productora Lucasfilm Ltd.
Destribución Paramount Pictures
Presupuesto 20 millons de dólars

Raiders of the Lost Ark (títol orichinal en anglés, estenata en Aragón con o títol en castellán En busca del arca perdida) ye una cinta estausunidense de cine de aventuras de l'anyo 1981, endrezada por Steven Spielberg y producida por Frank Marshall con guión de Lawrence Kasdan, protagonizada por Harrison Ford, Karen Allen, Paul Freeman, Ronald Lacey, John Rhys-Davies y Denholm Elliott.[1]

En a cinta, Indiana Jones (Harrison Ford), un arqueologo camandulero, compite con as fuerzas alemanas nazis en 1936, pa recuperar l'Arca de l'Alianza, perdida fa muito tiempo, una relica que se diz que fa invencible a l'exercito que la poseye. Treballando en equipo con a suya dura ex aimant Marion Ravenwood (Allen), Jones corre pa privar que l'arqueologo rival Dr. René Belloq (Freeman) guíe a os nazis enta l'Arca y o suyo poder.

Lucas concibió Raiders of the Lost Ark en primerías d'o decenio de 1970. Buscando modernizar as cintas en serie d'en primerías de d'o sieglo XX, desembolicó l'ideya encara mas con Kaufman, qui suchirió l'Arca como l'obchectivo d'a cinta. Lucas finalment se centró en desembolicar a suya opera espacial de 1977 Star Wars. O desembolique de Raiders of the Lost Ark se reprenió ixe anyo quan compartió l'ideya con Spielberg, qui s'unió a lo prochecto diversos meses dimpués. Si bien a parella teneba ideyas pa scenas notables en a cinta, contratoron a Kasdan pa emplir os vuedos entre ells. A fotografía prencipal prencipió en chunio de 1980 con un presupuesto de 20 millons de dolars. O rodache se levó a cabo en scenarios d'Elstree Studios, Anglaterra, y en puestos de La Rochelle, Tunicia, Hawaii y California.

Encara que as enqüestas previas a lo suyo lanzamiento amostroron una mica intrés de l'audiencia en a cinta, especialment en comparanza con a cinta de superherois Superman II, Raiders of the Lost Ark se convirtió en a cinta mas taquillera de 1981, ganando bells $ 330,5 millons en tot o mundo. Estió un exito de critica, recibindo elochios por a suya versión moderna de cintas en serie mas antigas, y a suya acción y aventuras ininterrompidas. Tot l'elenco estió aponderau, en particular Ford, Allen y Freeman. Raiders of the Lost Ark recibió numbrosas nominacions a premios y, entre atros, ganó cinco premios Oscar de l'Academia, siet premios Saturn y un premio BAFTA.

En os anyos transcorrius dende o suyo lanzamiento, a cinta ha creixiu en estima, y muitos agora la consideran una d'as millors cintas d'o decenio de 1980 y una d'as millors cintas d'acción y aventuras nunca realizadas. Tenió un impacto significativo y duradero en a cultura popular; l'exito d'a cinta cheneró una gran cantidat d'imitadors en quantos meyos y inspiró a una variedat de cineastas. Raiders of the Lost Ark ye a primera cinta de lo que se convertiría en a franquicia de Indiana Jones, que incluye tres cintas mas: Indiana Jones and the Temple of Doom, Indiana Jones and the Last Crusade y Indiana Jones and the Kingdom of the Crystal Skull, una serie de televisión, videochuegos, cómics, novelas, atraccions de parques tematicos, chuguetz, chuegos de mesa, coleccionables y un remake amateur. A Biblioteca d'o Congreso d'os Estaus Unius la seleccionó pa a suya preservación en o Rechistro Nacional de Cintas en 1999.

RepartoEditar

ReferenciasEditar

  1. (en) Taylor, Derek (August 1981). The Making of Raiders of the Lost Ark. Ballantine Books. ISBN 0-345-29725-3.