Tora! Tora! Tora!
Tora! Tora! Tora! (títol orichinal d'a cinta, enguerada en Aragón con ixe mesmo títol; en chaponés トラ・トラ・トラ！) ye una cinta de l'anyo 1970 de cine belico coproducida entre lo cine estausunidense y lo cine chaponés, dirichida por Richard Fleischer, Toshio Masuda, Kinji Fukasaku y Akira Kurosawa seguntes un guión adaptau por Larry Forrester, Hideo Oguni, Ryūzō Kikushima y Akira Kurosawa (basau en as obras Tora! Tora! Tora!, de Gordon W. Prange y The Broken Seal, de Ladislas Farago), con una banda sonora orichinal de Jerry Goldsmith, una dirección de fotografía de Charles F. Wheeler, Shinsaku Himeda, Masamichi Satoh y Osamu Furuya y una producción cinematografica d'Elmo Williams ta las productoras Williams-Fleischer Productions y Toei Company. Se tracta d'una gran superproducción que conta con un amplismo elenco d'actors, entre los cuals se puet destacar a Joseph Cotten, George Macready, Leon Ames, Meredith Weatherby, Harold Conway, Martin Balsam, Edward Andrews, Bill Zuckert, Keith Andes, James Whitmore, Walter Reed, Edmon Ryan, Ken Lynch, Jason Robards, Larry Thor, Harlan Warde, Edward Sheehan, Richard Erdman, Bill Edwards, Richard Anderson, Walter Brooke, Karl Lukas, Francis De Sales, G.D. Spradlin, Robert Shayne, E.G. Marshall, Dick Fair, Wesley Addy, Frank Aletter, Jerry Fogel, Dick Cook, Norman Alden, Koreya Senda, Hiroshi Akutagawa, Kazuo Kitamura, Sō Yamamura, Bontaro Miyake, Asao Uchida, Eijirō Tōno, Junya Usami, Susumu Fujita, Ichiro Reuzaki, Kan Nihonyanagi, Tôru Abe, Shunichi Nakamura, Tatsuya Mihashi, Takahiro Tamura, Toshio Hosokawa, Hisashi Igawa, Hideo Murota, Leora Dana, June Dayton, Akira Kume, Jeff Donnell, Hank Jones, Andrew Hughes u Kiyoshi Atsumi.
Tora! Tora! Tora! ye una cinta que amuestra amanando-se prou a la realidat historica la planificación y desembolique d'as operacions militars de l'Imperio chaponés contra los Estaus Unius en l'ataque a Pearl Harbor o 7 d'aviento de 1941, que significó la guerra entre ixos dos países que dentroron asinas en a Segunda Guerra Mundial. Prene lo suyo nombre d'a denominación en clau que l'Imperio chaponés dió a l'ataque, tora, que encara que significa "tigre" realment ye una abreviadura de totsugeki raigeki u 突撃雷撃, "ataque lamprada", emplegau por triplicau ta significar que l'ataque s'heba completau a rafapui y exitosament. A cinta amuestra las tensions existents en l'alto mando chaponés sobre lo mesmo ataque, sobre la suya conveniencia y la suya planificación, y tamién os escaicimientos historicos dica lo final de l'ataque. S'ambienta en 1939, 1940 y 1941 en Tokio, Washington, DC y Honolulu (amás d'en atros puestos en Chapón y Estaus Unius) y en l'oceano Pacifico y la suyas escenas se filmoron en Calabasas, Los Angeles y San Diego (California), Pearl Harbor y Honolulu (Hawaii), Washington, DC y en o Palacio imperial de Tokio y en Kagoshima, Osaka, Kyoto y Ashiya en Chapón.[2]
A cinta recibió bels premios y nominacions, entre los que cal destacar un Premio Oscar (Millors Efectos Visuals) y atras cuatre nominacions (Millor Montache, Millor Fotografía, Millor Disenyo de Producción y Millor Soniu) en a suya 43ena edición.
| Actor | Papel | Notas |
|---|---|---|
| ' |
Se veiga tamién
editarReferencias
editarVinclos externos
editar
Se veigan as imáchens de Commons sobre Tora! Tora! Tora!.- (en) Tora! Tora! Tora! en Internet Movie Database.
- (en) Tora! Tora! Tora! en TCM Movie Database.
- (en) Tora! Tora! Tora! en AllMovie.
- (en) Tora! Tora! Tora! en l'American Film Institute Catalog de l'American Film Institute.
- (es) Tora! Tora! Tora! en FilmAffinity.
- (fr) Tora! Tora! Tora! en Allociné.
- (en) Tora! Tora! Tora! en Rotten Tomatoes.
- (en) Tora! Tora! Tora! en Letterboxd.
- (en) Tora! Tora! Tora! en Metacritic.
- (en) Tora! Tora! Tora! en Netflix.
Datos: Q258092- Multimedia: Tora! Tora! Tora! / Q258092
