The Tarnished Angels
.jpg)
.svg){kind=small}
The Tarnished Angels (títol orichinal en anglés, en aragonés Os ánchels sin de brilo, enguerada en Aragón con o suyo títol traduciu enta lo castellano como Ángeles sin brillo) ye una cinte de cine de drama y cine de romance de cine estausunidense de l'anyo 1957 dirichida por Douglas Sirk seguntes un guión adaptau por George Zuckerman (basau en Pylon, una novela publicada por William Faulkner en l'anyo 1935), con una banda sonora orichinal de Frank Skinner, una dirección de fotografía d'Irving Glassberg y una producción cinematografica d'Albert Zugsmith ta la productora cinematografica Universal-International. De l'elenco d'a cinta en fan parte Rock Hudson, Robert Stack, Dorothy Malone, Jack Carson, Robert Middleton, Alan Reed, Alexander Lockwood, Chris Olsen, Robert J. Wilke, Troy Donahue y William Schallert, entre d'atros actors.
Roger Shumann ye un piloto d'avions, veterano d'a Primera Guerra Mundial, a on i combatió con a Escuadrila Lafayette formada por voluntarios d'os Estaus Unius antes d'a dentrada en a guerra d'o suyo país. Mientres a suya partecipación en a guerra recibió cunatos honors, pero en bel meyo d'a Gran Depresión sobrevive fendo vuelos d'exhibición con acrobacias aerias en ferias locals d'os Estaus Unius. Ye casau con LaVerne, qui fa de paracayidista en bellas d'as suyas exhibicions, y tien un fillo, Jack. O suyo mecanico, Jiggs, tamién l'acompanya. Cuan aparixe en escena Burke Devlin, un periodista de Nueva Orleans intresau en as vivencias d'ixe mundo ta fer-ne un articlo ta lo suyo diario, iste siente atracción por LaVerne, en veyer o distanciamiento con que su mariu la tracta a ella y a lo nino, a la vegada que veye que Jiggs tamién ye enamorau d'ella, dica lo punto que li proposó de casar-se con ella cuan Roger no quereba fer-lo. A situación se complica cuan Roger li diz a su muller que marche ta estar con Matt Ord, un empresario propietario d'un avión que él amenista, ta que lo li ceda a cambio d'estar con su muller.
A cinta s'ambienta en os anyos 1930 en Nueva Orleans en Loisiana (Estaus Unius) y las suyas escenas se filmoron en San Diego y en os Universal Studios en Universal City en California.[2]
| Actor | Papel | Notas |
|---|---|---|
| ' |
Se veiga tamién
editarReferencias
editarVinclos externos
editar
Se veigan as imáchens de Commons sobre The Tarnished Angels.
Datos: Q2361938- Multimedia: The Tarnished Angels / Q2361938
