Seu de Saint Albans
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
A seu de Saint Albans (Cathedral and Abbey Church of Saint Alban en anglés) ye una seu que se troba situata en a localidat de Saint Albans d'o condau de Hertfordshire, en Anglaterra (Reino Uniu), y que d'antis más se trobaba en l'antigo reino d'Anglia de l'Este. As obras de l'edificio prencipiiron en 1077 en estilo romanico, continoron dimpués en estilo gotico y no rematoron dica 1893. O templo ye adedicato a Sant Albán.
| Seu de Saint Albans | |
|---|---|
| |
| Situación cheografica | |
| Estato | |
| País | |
| ' | |
| Situación |  Saint Albans (Hertfordshire, Anglaterra, Reino Uniu)
|
| Adreza | |
| Coordenatas | |
| Archidiocesi | |
| Diocesi | Diocesi de Saint Albans |
| Arcipestrau | |
| Información cheneral | |
| Advocación | Sant Albán |
| Culto | Ilesia anglicana |
| Orden | Exclaustrato |
| Rector | |
| Vicario parroquial | |
| 2.º Vicario parroquial | |
| Mosen | |
| Propietario | |
| Administrador | |
| Director | |
| Coste | {{{coste}}} |
| Vesitable | |
| Altaria | |
| Pisos | |
| Amplaria | |
| Largaria | |
| Superficie | |
| Diametro | |
| Aforo | |
| Altaria s.r.m. | |
| Atras | |
| Alcance | |
| Iluminación | |
| Potencia | |
| Arquitectura | |
| Tipo | Seu |
| Estilo | Romanico-gotico |
| Función | |
| Catalogación | |
| Materials | |
| Construcción | |
| Construcción | 1077-1893 |
| Fundador | Offa de Mercia |
| Inicio | |
| Fin | |
| Inauguración | |
| Destrucción | |
| Arquitecto | |
| Incheniero estructural | |
| Incheniero de servicios | |
| Incheniero civil | |
| Atros | |
| Premios | |
| Pachina web | |
| Localización | |
HistoriaEditar
En 793 o rei Offa de Mercia establió en o puesto a on hue se troba a seu un monesterio, adedicato a Sant Albán, y que teneba como obchectivo de recibir as reliquias d'iste santo, que yera o primer santo naixito de Britania y qui morió arredol de 303 mientres as persecucions d'o Cristianismo baixo o reinato de l'emperador Dioclecián. Iste monesterio teneba a correspondient ilesia mugant, en estilo saxón, y que describe Beda o Venerable en a suya Historia Eclesiastica (I, 7) como una ilesia de muita magnificencia.
Sindembargo, ista primera ilesia saxona desapareixió en 1077 quan Pavlo de Caen, o primer abad normando d'o monesterio dimpués d'a conquiesta normanda d'Anglaterra, la espaldó ta construir dencima una nueva ilesia en estilo romanico, emplegando como material ta las obras ladriellos de l'amanata y albandonata ciudat romana de Verulamium.
En o sieglo XII, un antigo estudiant en o monesterio, Nicolau Breakspeare, fue esleito Papa con o nombre d'Hadrián IV. O nuevo Papa tomó o monesterio baixo a suya protección y li donó preeminencia sobre a resta de monesterios angleses d'ixas envueltas.
Iste primer edificio d'o sieglo XI se conserva encara hue en a suya mayor parti, encara que en o sieglo XIII se facioron obras ta fer-lo mes gran, tornando a fer-ie mas obras en o sieglo XIV dimpués que s'espaldase una parti de l'edificio en 1323.
O monesterio esdevenió o centro d'una muit activa pelegrinación enta las reliquias d'o santo, continando con una antiga tradición de culto d'as reliquias de Sant Albán que ya ye documentata en 429 quan las vesitó Sant Chermán, bispe d'Auxerre.
En 1539, quan o rei Henrique VIII decretó a disolución d'as ordens monasticas en o reino d'Anglaterra, o monesterio quedó albandonato mientres 300 anyadas. Lo vendioron a la localidat de Saint Albans ta destinar-lo a ilesia parroquial, pero en no disponer de fundos ta fer-ie o mantenimiento, lo dixoron deteriorar, conservando-se hue nomás l'antiga puerta d'o monesterio (de 1365) y a ilesia monastica, que compró a Corona d'Anglaterra en 1553.
En 1877, l'antiga ilesia monastica fue restaurata y esdevenió seu bispal d'a nueva diocesi de Saint Albans d'a Ilesia anglicana.
Entre as presonas que i son apedacatas, se troba o Papa Hadrián IV.
GaleríaEditar
Frontera prencipal d'a seu de Saint Albans.
A cadiera bispal d'a seu de Saint Albans.
L'antiga puerta d'o monesterio.
Interior d'a seu de Saint Albans.
A frontera ueste d'a seu de Saint Albans.
Anvista interior de l'edificio.
Fontera lateral, a on se puet veyer as suyas torres.
Detalle d'a frontera lateral, con a torre.
Vinclos externosEditar
Se veigan as imachens de Commons sobre a seu de Saint Albans.- (en) Pachina web oficial d'a seu de Saint Albans.
- (en) A seu de Saint Albans en a Catholic Encyclopedia.
