Dioclecián

Dioclecián
Emperador de l'Imperio Román
Busto de Dioclecián en o Museu Arqueolochico d'Istambul.
Emperador de l'Imperio Román
284 - 286
Predecesor	Numerián
Succesor	Maximián, Galerio
Naixencia	244 Dioclea (amán de Salona)
Muerte	3 d'aviento de 311 Palacio de Dioclecián (Split, hue Croacia)
Enterreco	Palacio de Dioclecián
Consort	Prisca

Dioclecián (en latín Gaius Aurelius Valerius Diocletianus), estió un emperador de l'Imperio Román, dende o 20 de noviembre de l'anyo 284 dica l'1 d'abril de l'anyo 286 solo y dende l'1 d'abril de 286 dica l'1 de mayo de l'anyo 305 reinó como "Augusto" en l'Imperio Román d'Orient mientres que Maximián reinaba como "Augusto" en l'Imperio Román d'Occident. Ye naixito arredol l'anyo 244 y morió en o Palacio de Dioclecián (Split, Dalmacia) o 3 d'aviento de l'anyo 311. Estió o primer emperador román en abdicar voluntariament.

Recuperó o control militar sobre l'exercito, y augmentó os efectivos militars en as mugas. Dividió l'exercito en comitatus u exercito móvil a lo servicio de l'emperador y limitanei u exercito defensor d'as mugas. En o limitatei bi heba labradors-soldaus y tropas auxiliars barbaras. Dioclecián prenió o control dreito d'o mando d'as lechions, que enantes teneban os gobernadors d'as provincias.

Reorganizó as divisions provincials. As provincias heredatas de l'Alto Imperio fuoron dividitas en atras de menors, que se agrupaban en atra entidat dita Diocesi, cosirata por un vicarius nombrato por l'emperador. As provincias d'Hispania fuoron agrupatas en a diocesi d'Hispania. A provincia Tarraconense orichinal fue dividita en tres provincias: a Gallaecia, a Carthaginense y a nueva Tarraconense (con os conventos Cesaraugustán, Tarraconense y parte d'o Cluniacense). En Galia creyó a Novempopulania en o territorio d'os antigos aquitans.

Estableixe un sistema de gobierno tetrarquico con quatre sobirans en l'imperio, dos Césars y dos Augustos con funcions espedificas.

Dioclecián en fuents aragonesas y navarras

En "Cronica d'Espaynna" de García de Eugui lo nombran como Diocleçiano:

...est emperador Diocleçiano, que lo sopo, fizo Çesar a un caballero que abia nombre Herculio Maximino, por que sabia que era muy buen caballero de armas...

torno se muy alegre para Diocleçiano. & el recibio lo a muy grant honrra, et de Cesar que antes era, fizo lo Agusto & recibio lo por conpaynero & egoal desi enelImperio ¬ regnaron los anbos de alli abant xviij aynos....

En aquel ayno alçaron en Roma a Sant Marçelin por apostoligo & mantovo la yglesia por IX aynos. Item enel X ayno Diocleçiano priso toda Alexandria e matho ad Agileo.

Vinclos externos

• Se veigan as imachens de Commons sobre Dioclecián.

Predecesor: Numerián	Emperador de Roma 284-286	Succesor: División de l'Imperio
Predecesor: Sin predecesor, entidat creyata por Dioclecián	Emperador de l'Imperio Román d'Orient 286-305	Succesor: Galerio