Sinyoría d'Íxar
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
La sinyoría d'Íxar comprendeba los lugars d'Íxar, Urreya d'Íxar, La Pobla de Gayén y la Pobla d'Albortón, lo creyó Chaime I d'Aragón pa lo suyo fillo Pero Ferrández lo 20 d'abril de 1268 y en 1483 se convertió en lo ducau d'Íxar.
Sinyoría d'Íxar | |
|---|---|
|
| |
| Información cheneral | |
| Primer titular | Pero Ferrández d'Íxar |
| Concesión | Chaime I d'Aragón 20 d'abril de 1268 |
| Linache(s) | Casa d'Íxar |
La fundación d'esta sinyoría churisdiccional ye d'alcuerdo con una tradición de los reis d'Aragón que consistiba en creyar infantaus pa los suyos fillos bordes, dando-lis importants beneficios como rendas senyorials, tierras, villas y castiellos.
Pero Ferrández, primer sinyor d'Íxar prenió l'apelliu Ferrández d'Íxar por lo toponimo. Y fundó en lo termin d'Íxar lo lugar de La Pobla de Gayén con moriscos en un puesto dito enantes Gayén.
Pero Ferrández d'Íxar y Gil, segundo sinyor d'Íxar, adhibió a la sinyoría la metat de la villa de Belchit y La Pobla d'Albortón.
Chuan Ferrández d'Íxar y Centelles, dito l'Orador, cuatreno sinyor d'Íxar, estió embaixador, consellero y mayordombre d'Alifonso V d'Aragón, y lo "Magnanimo" li donó Binaceit y li vendió Lecera. Alavez la Casa d'Íxar se convertió en una de las casas nobiliarias mes importants d'Aragón.
Chuan Ferrández d'Íxar y Cabrera consiguió que Ferrando II d'Aragón li dase lo títol de duque en 1483, con lo que la sinyoría d'Íxar se convertió en lo ducau d'Íxar, manimenos lo suyo hereu no teneba o títol de duque d'Íxar (pero si que en yera de Lecera y Aliaga). La serie ducal d'Ixar se reanudó con Chuan Francisco Ferrández d'Íxar y Ferrández d'Heredia por autorización de Felipe II d'Espanya en 1599.
Lista de sinyors d'Íxar
editar- Pero Ferrández d'Íxar.
- Pero Ferrández d'Íxar y Chil.
- Alifonso Ferrández d'Íxar y Anglesola.
- Pero Ferrández d'Íxar y Alagón.
- Alifonso Ferrández d'Íxar y Cornel.
- Chuan I Ferrández d'Íxar y Centelles, l'"orador".
- Chuan II Ferrández d'Íxar y Cabrera, seteno barón, y primer duque d'Íxar.
Bibliografía
editar- (es) ORTIZ CRUZ, Demelsa: El señorío, luego ducado de Híjar. Cuadernos del Ducado de Híjar 1: El Legado cultural. 2008. Archivo Ducal de Híjar.
Datos: Q13050153
