Santiago Paricio Martín

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Santiago Paricio
Información personal
Calendata de naixencia	1985
Puesto de naixencia	Zaragoza (Comarca de Zaragoza, Aragón)
Alma Máter	Universidat de Zaragoza Universidat Oberta de Catalunya
Ocupación	Filologo y escritor

Santiago Jorge Paricio Martín (Zaragoza, 1985) ye un filologo y escritor aragonés. Licenciato en Filolochía Hispanica por a Universidat de Zaragoza y en Filolochía Catalana por a Universidat Oberta de Catalunya. Ye miembro y mayestro d'aragonés en l'Asociación Cultural Nogará-Religada.

Fillo de pai de Monzón y mai de Santet, ha viviu en diferents lugars, en primeras en Catalunya, y dimpués en Aragón, cosa que se reflecta en buena parte en a suya novela y en a suya vida plurilingüe.

Ha ganau por tres vegadas o Concurso de coplas aragonesas en aragonés organizau por o Concello municipal de Zaragoza. Ganó a X edición d'o premio (2007) con a colección "L'abre d'una vida", escrita en aragonés ribagorzano, a XII edición (2009) con a colección "L'amaneixer", y a XIII edición (2010), por a colección "Nyedo d'ilusión" en aragonés ribagorzano. Tamién ha ganau o prestichioso Premio Arnal Cavero con a suya obra "Fillos d'as luengas. Misión Multilingüismo." Tamién ye coautor d'un libret de cuentos: O reino de l'augua.

Ha feito investigacions lingüisticas sobre l'aragonés ribagorzano, l'aragonés chistabín y l'aragonés medieval de Zaragoza. Ye autor y coautor de mas de 20 articlos de lingüistica y literatura, con o tema principal de l'aragonés, o multilingüismo y as nuevas tecnolochías.

Dende o 15 d'aviento de 2012 ye "Miembro Correspondient" de l'Academia de l'Aragonés,, colaborando en as fayenas de codificación con dita institución.

Libros

• 2007: R. Montañés y S. Paricio: O reino de l'augua. Luna: O Limaco Edizions.
• 2010: S. Paricio: Fillos d'as luengas: Misión multilingüismo. Zaragoza: Gobierno de Aragón. Departamento de Educación, Cultura y Deporte.
• 2010: V.V.A.A.: O despertar de l'onso. Parolas amagadas. Zaragoza: ARA Cultural.

Articlos

• 2007: S. Paricio y G. Tomás: A literatura en aragonés. Materials de desembolique d'o Curriculo Aragonés, en Ambista: Revista de cultura y patrimonio aragonés, O Limaco Edizions.
• 2008: M. Castán y S. Paricio: Una lengua y una literatura invisibles: el caso del aragonés en Letras aragonesas numero 6. Centro del Libro de Aragón, Gobierno de Aragón.
• 2008: S. Paricio y F. Sánchez: Peculiaridades morfosintácticas en Viu (Foradada del Toscar, Ribagorza). V Trobadas e rechiras arredol d'a luenga aragonesa e a suya literatura. Luenga & fablas.
• 2010: S. Paricio y J.P. Martínez Cortés: Noves vies de revitalització per a llengües minoritzades: la repercussió d'internet en el cas de l'aragonès en Digithum numero 12. Universitat Oberta de Catalunya.
• S. Paricio Martín y J.P. Martínez Cortés: El desarrollo de herramientas de lingüística computacional para el aragonés. Actas del XXX Congreso Nacional de Lingüística Aplicada, AESLA 2012, pp. 494–500. Leida.
• J.P. Martínez Cortés y S. Paricio Martín: Las TIC como herramienta en la revitalización de lenguas en peligro: el caso del aragonés. Actas de la Jornada "Internet y la promoción de la diversidad lingüística", Catedra Unesco de Patrimonio Linguistico Mundial d'a Universidat d'o País Basco (UPV-EHU), Bilbau, (en prensa).

Referencias

Predecesor: Rubén Ramos Antón

Premio Arnal Cavero 2009

Succesor: VV.AA. (obra colectiva coordinada por Francho Nagore)

• Datos: Q13050118