O despertar de l'onso

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O despertar de l'onso
Portalada d'o libro
Información cheneral
Autor	Santiago J. Paricio Martín Alexandro Muñoz Casas Diego Marín Roig Patricia Loriente Tena Lucía López Marco Marco A. Joven Romero Alberto Gracia Trell Rubén Santarromana Hernández Chuserra Barrios Irache Dabi Anquela Gracia
Chenero literario	Relatos
Versión orichinal en aragonés
Editorial	Ara Cultural
Ciudat	Cuantas
País	Aragón
Calendata de publicación	Aviento 2010
ISBN	ISBN 978-84-938118-2-2

O despertar de l'onso ye un libro de relatos en aragonés de cualques autors, toz naixius en as anyadas uitanta. O libro fue editau por Ara Cultural en aviento de 2010 baixo licencia Creative Commons.

Conteniu

Bi ha un total de trece relatos que tractan temas prou diferents.

O libro ye trestallau en tres tematicas que representan o proceso de desembolic d'a luenga aragonesa: a muerte de l'aragonés dica l'apareixión d'o movimiento de recuperación y dignificación d'a luenga, o silencio de toz istos anyos y o despertar fruito d'o treballo de muita chent y representau en os propios chóvens autors d'o libro.

Antimás d'os relatos, tamién bi apareixen un prologo obra de María Pilar Benítez y una introducción d'Alberto Gasquet Orradre.

Autors

Toz os autors son naixius en as anyadas uitanta, arroclaus arredol de l'aragonés y o compromís con o suyo esvenidero. Dengún no plegaba en as 30 anyadas cuan o libro fue publicau.

Encara que en o libro apareixen diez nombres d'autors, bi'n ha once pues Patricia Loriente Tena ye un pseudonimo baixo o que s'amagan dos chóvens.

Títol

O títol d'o libro ye preso d'un poema de Roberto Cortés Alonso clamau O despertar de l'esprito de l'onso, d'a suya obra Cheografía personalizata.

Relatos

Muerte

• A muller de pels de culor roya (Marco A. Joven)
• Recosiros (Lucía López)
• Tardo una miqueta (Diego Marín)

Silencio

• As mullers xublidadas (Alexandro Muñoz)
• Laura, una istoria de silenzio sin rematar (Dabi Anquela Gracia)
• Os segundos que pasan (Marco A. Joven)
• Parolas amagadas (Santiago Paricio)
• Reyalment el daba igual (Patricia Loriente)

Despertar

• Conoixco ixos güellos (Rubén Santarromana)
• Dispertar (Patricia Loriente)
• Lorién d'o Gallo (Chuserra Barrios)
• O cuento de Chusepet (Alberto Gracia)
• Suenios d'una boleta (Lucía López)

Presentacions

O libro fue presentau en Zaragoza o 17 d'aviento de 2010 en a Librería La Pantera Rossa.

Tamién estió presentau o lunes 20 d'aviento de 2010 en o programa Fendo Orella de Radio Topo y en El Tranvía Verde d'Aragón Radio.

Vinclos externos

• Pachina oficial d'o libro

Referencias

• Datos: Q20616190