Salduie
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Salduie (en escritura iberica 
) yera una ciudat ibera d'o pueblo prerromano d'os sedetans que se trobaba en o puesto de l'actual Zaragoza en a buega d'os tres grans ambitos culturals d'a Peninsula Iberica en l'Antigüedat: l'iberico, lo indoeuropeu (los celtibers) y los bascons.
| Salduie
| |
| Ciudat ibera | |
| Entidat • País |
Ciudat Sedetania |
| Coordenadas | 41°39’ 6’’N 0°55’48’’U |
| Habitants | Sedetans |
| Actual |  Zaragoza
|
| Fundación | Sieglo III aC |
| Desaparición | con a fundación de Caesaraugusta |
  | |
Toponimia
editarExisten bellas teorías pa explicar lo significau d'o nombre de Salduie (que lo cronista Plinio o Viello transcribió en latín como Salduvia u Salduba):
Historia
editar
A redolada ya yera habitada en a Edat de Bronce (600 aC). En a Edat de Fierro i heba un poblau d'una hectaria arredol d'a carrera Palafox. Yera composau per casas de planta cuadrangular, con calcil de piedra y paretons d'adoba.[4]
Existió en a redolada un poblamiento disperso con cuantos chiquez nuclios habitaus estando un d'éls en o sieglo II aC a simient d'a ciudat clamada Salduie.[5]
En a Segunda Edat de Fierro s'ha calculau que Salduie cubriba ya 10 hectarias en o sector nororiental d'o casco historico.[6]
En 206 aC os ilerchez atacoron a los sedetans (que yeran aliaus de Roma concaraus con Cartago) lo que provocó que las lechions romanas atacasen a los ilerchez a los cuals redotoron dimpués d'una cruenta baralla de dos diyas de durada que costó a los romanos 1200 muertos y 3000 ferius.[7]
Manimenos, poco dimpués os sedetans se devantoron en armas contra los romanos. Asinas, en 195 aC, o pretor Marco Porcio Catón safocó las revueltas ibericas y deixó guarnimientos romanos en as ciudaz mas importants d'a rechión, entre ellas Salduie.[8]
En o sieglo I aC yera ya fuertement romanizada como amuestran las restas trobadas en l'actual carrera Don Juan de Aragón, n°9, en a clamada Casa d'o Triclinio.[9]
En 91 aC o clamau Escuadrón Salluitano (en latín Turma Salluitana), composau per 30 chinetz de Salduie y la suya redolada, estió premiau per la suya actuación en o setio de Asculum (en l'actualidat Ascoli Piceno, Italia) como caballería auxiliar de l'exercito romano.[10]
En 87 aC o Senau d'a cercana ciudat celtibera de Contrebia Belaisca falló una sentencia enta favor de Salduie en un contencioso d'a ciudat bascona de Alaun (actual Alagón) a causa d'a construcción d'una ceiquia per parti d'a primera.[11]
En 14 aC se fundó la colonia romana con veterans d'as guerras cantabras clamada Colonia Caesar Augusta en a honor de l'emperador César Augusto. Yera una colonia mixta asinas que la ciudat iberica de Salduie quedó incorporada dentro d'o cinto d'a nueva colonia que con 60 hectarias ye lo mayor de Hispania. Asinas, bel autor han creyiu identificar a lo espacio situau entre las carreras Méndez Nuñez, carrera Sant Chorche, carrera Sant Cristobal, carrera Universidat, plaza Sant Nicolau, carrera Sepulcro, carrera Bayeu y la carrera Santa Cruz como lo vago de l'antiga Salduie.[12]
Monedas
editar
Salduie cudió monedas de bronce dende lo sieglo II aC seguindo lo modelo d'os ases romanos. Os ases teneban un peso meyo d'11,41 gramos y 2,5 cm de diametro.[13] Bellas monedas de bronce estioron cudidas con os siguients motivos:
Se cudiaron tamién semiases que teneban lo mesmo anverso pero en o reverso heba representau un caballo, no un chinet con palma.
Sinificato
editarSeguntes diversos autors a representación d'o reverso se identifica con o simbolo d'a victoria [14] mientres que los dalfins son simbolos relichiosos de protección.[15] Atros autors creyen que la cabeza ye una representación de Melkart/Herakles u l'antropomorfización d'una divinidat d'un río [16] y lo chinet ye una imachen d'o heroi fundador d'a ciudat.[17]
Restas
editar- Cuantas monedas.
- Un trozo de muralla de 34 metros de largaria en a carrera Sepulcro n°15.
Referencias
editar- ↑ (es) Mikel Urkola: Algunos datos de toponimia Preindoeuropea, ARSE, n°44, 2010, p.53
- ↑ (ca) Antoni Jaquemot Ballarin: Proposta de noms iberics. Comparació del substrat amb l'epigrafía ibérica trobada fins ara, p.25
- ↑ (es) Almudena Domínguez Arranz: Las cecas ibéricas del valle del Ebro, Institución Fernando el Católico, 1979, p.235
- ↑ (es) José Antonio Hernández Vera y Julio Núnez Marcén: La ordenación del espacio de la Zaragoza Prerromana y Romana, Salduie n°1, 2000, p.182
- ↑ (es) Francisco Pina: De la ciudad indígena Salduie-Saluvia a la colonia romana Caesar Augusta, Gerión n°35, 2017, ISSN 0213-0181, p.545
- ↑ (es) José Antonio Hernández Vera y Julio Núnez Marcén: La ordenación del espacio de la Zaragoza Prerromana y Romana, Salduie n°1, 2000, p.184
- ↑ (es) Guillermo Fatás Cabeza y Miguel Beltrán Lloris: Historia de Zaragoza: Vol. I: Salduie: ciudad ibérica, Ayuntamiento de Zaragoza, ISBN 84-8069-133-6, p.35
- ↑ (es) Joaquín Lostal Pros y Arturo Ansón Navarro: Historia de cuatro ciudades, Ayuntamiento de Zaragoza, 2001, ISBN 84-8069-225-1, p.15
- ↑ (es) Joaquín Lostal Pros y Arturo Ansón Navarro: Historia de cuatro ciudades, Ayuntamiento de Zaragoza, 2001, ISBN 84-8069-225-1, p.21
- ↑ (es) Galve, M. P. , 2011: Salduie, ciudad ibérica, I.Aguilera y J.L. Ona: Delimitación Comarcal de Zaragoza, p.86
- ↑ (es) José Carlos Abadía Donaque: Algunos comentarios sobre el abastecimiento de agua a Caesar Augusta, p.7
- ↑ (es) Antonio Ubieto Arteta: Una nueva lectura del plano de la Cesaraugusta romana, 1982, p.105
- ↑ (es) Almudena Domínguez Arranz:Las cecas ibéricas del valle del Ebro,Institución Fernando el Católico,1979,p.149
- ↑ (es) Almudena Domínguez Arranz:Las cecas ibéricas del valle del Ebro,Institución Fernando el Católico,1979,p.216
- ↑ (es) Almudena Domínguez Arranz:Las cecas ibéricas del valle del Ebro,Institución Fernando el Católico,1979,p.221
- ↑ (es) Alberto Aguilera Hernández: Imágenes para una nueva Roma:iconografía monetal de la colonia Caesar Augusta en el periodo julio-claudio,Universitat de Zaragoza,2015,ISSN 2254-7606, p.59
- ↑ (es) Alberto Aguilera Hernández: Imágenes para una nueva Roma:iconografía monetal de la colonia Caesar Augusta en el periodo julio-claudio,Universitat de Zaragoza,2015,ISSN 2254-7606, p.61
