Riglos

Riglos ye un lugar d'o municipio d'as Penyas de Riglos (en ye a suya capital), en a comarca de Plana de Uesca y provincia de Uesca.

Riglos
Lugar d'Aragón
Entidat  • País  • Provincia  • Comarca  • Municipio	Lugar  Aragón  Uesca Plana de Uesca As Penyas de Riglos
Partiu chudicial	Chaca
Población  • Total	70 hab. (2009)
Altaria  • Meyana	678 m.
Codigo postal	22808
Parroquial  • Diocesi  • Arcipestrau  • Parroquia	Uesca Ayerbe Ntra. Sra. d'o Mallo
Coordenadas	42°20’55’’N 0°43’35’’U
Riglos Riglos en Aragón

A suya población ye de 70 habitants (2009).

Riglos ye una d'as etapas d'o GR 1, un sendero de gran recorriu.

Toponimia

O toponimo Riglos se puet interpretar a partir d'o latín RIVULUS, forma diminutiva de RIVU ("riu") con sufixo -ULU.

Cheografía

Riglos ye situau a piet d'a sierra de Lobarre y d'os Mallos de Riglos, amán d'o río Galligo y tamién d'o castiello de Lobarre, a 678 metros d'altaria sobre o livel d'a mar.

Historia

Seguntes Agustín Ubieto Arteta, a primera cita d'o lugar de Riglos ye en 1020 u 1030, en a edición por Antonio Ubieto Arteta d'o Cartulario de Sant Chuan d'a Penya (Textos Medievales, 6, Valencia 1962). Documenta os nombres de Riglos, Rigulos, Rigules, Rigulis, Arigole, Arivele, Arrigulis, Arrigulus, Arrigoli y Arriuule.

O lugar fació parte d'a dote que o rei d'Aragón Pietro I cedió a la suya muller Berta d'Aragón en 1097 en o suyo matrimonio, o clamau reino d'os Mallos, que Berta gubernó dimpués d'a muerte d'o suyo esposo.

Molimentos

• Ilesia d'a Santa Cruz, d'o sieglo XII y estilo romanico, que estió a capiella d'o desapareixiu monesterio de Sant Martín.
• Ilesia parroquial de Nuestra Sinyora d'o Mallo, d'o sieglo XVII, con dos imáchens romanicas d'a Virchen María, a clamada Virchen d'o Mallo.

Enrastes externos

• (es) Riglos en RomanicoAragones.com.

Referencias

• Datos: Q3573654
• Multimedia: Riglos / Q3573654