Reino de Secilia

O Reino de Secilia (en latín Regnum Siciliae u Sicilie; en secilián Regnu di Sicilia, en italián Regno di Sicilia) estió un estato que esistió en o sud d'Italia dende a suya fundación por Rocher II en 1130 dica 1816. O reino de Secilia s'estendillaba, antimás de por a isla de Secilia, por tota la rechión d'o sud d'Italia y, dica 1530, por as islas de Malta y Gozo. A isla de Secilia se trestallaba en tres rechions: Val de Mazzara, Val de Demona y Val de Noto.

Regnum Siciliae Reino de Secilia
Reino d'a Corona d'Aragón
← 1130 — 1816 → →
Reino de Secilia en a Corona d'Aragón
Capital	Palermo
Idioma oficial  • Atros idiomas	Latín Secilián
Relichión	Catolica romana
Gubierno	Monarquía
Rei  • 1130-1154  • 1759-1816	Rocher II Ferrando III
Periodo historico	Edat Meya
• Establito	1130
• Fusiónn con Nápols	1816
Moneda	Piastra seciliana
Miembro de: Corona d'Aragón

A vegatas dito lo regnum Apuliae et Siciliae dica 1282, quan a parti continental y a parti d'a isla se deseparoron politicament; dende allora se conoixeba como Reino de Nápols. Dimpués de 1302 le se dió tamién a vegatas o nombre de Reino de Trinacria. Asobén o rei de Secilia yera monarca d'atro puesto como lo rei d'Aragón, o rei d'Espanya u o emperador d'o Sacro Imperio Román Chermanico. En 1816 o reino de Secilia s'unió con o reino de Nápols ta formar o nuevo Reino d'as Dos Secilias.

O Reino de Secilia dimpués d'a muerte de Rocher II de Secilia, en 1154

Conquiesto a los musulmans por os normandos, en 1194 pasó a depender d'os Hohenstaufen. Quan iba a pasar a control francés esclató una revuelta nativa dita Viespras Secilianas, que refusaban o control francés y quereban pasar a depender d'a Corona d'Aragón. Encomenzó una guerra entre Francia y Aragón en a que o Papato refirmaba a Francia. Producto d'esta guerra estió a división d'o Reino de Secilia entre l'actual isla con o mesmo nombre, que s'adhibió a la Corona d'Aragón, y lo sud d'Italia, que tardó més a adhibir-se-ie.

Se veiga tamién

• Lista de reis de Secilia y Nápols