Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Rahotu
Mitre Peak
Situación
Situación  Nueva Zelanda
Latitut 44°38′S
Lonchitut 167°51′E
Vértiz cheodesico Error d'expresión: operador / no asperau/0.pdf
Cheografía
Cordelera Alpes d'o Sud
Sierra
Macizo
Altaria 1.690 m
Alpinismo
Primera puyada 13 de marzo de 1911 por J R Dennistoun
Ruta mas fácil Cuantas rotas, prencipalment dende Sinbad Bay
Mapa

O Rahotu (en maorí Rahotu, en anglés Mitre Peak) ye una iconica montanya d'a Isla d'o Sud de Nueva Zelanda, situada a cantos de Milford Sound. Ye un d'os picos mas fotografiaus d'o país.

Etimolochía editar

A forma distinctiva d'o pico situau en o sud de Nueva Zelanda da a la montanya o suyo nombre, en estar pareixida a la mitra (en anglés mitre) que portan os bispes cristianos. Fue nombrada por o capitán John Lort Stokes d'o HMS Acheron.[1] O nombre maorí ta o pico ye Rahotu.[2]

Cheografía editar

Parti d'a razón por a que ista montanya ye a suya situación. Amán d'o canto de Milford Sound, en o Parque Nacional de Fiordland a o sudueste d'a Isla d'o Sud, ye una anvista imponent.[3] A montanya se debanta dica os 1.690 metros por dencima d'as auguas d'o fiordo. O pico fa en realidat parti d'un grupo de cinco picos muit amanaus, encara que dende os puntos d'anvista mas accesibles se veyen como uno solo.[3] Milford Sound ye aintro d'o Te Wahipounamu, un puesto declarau como Patrimonio d'a Humanidat por a UNESCO.[4]

La sola carretera que da acceso a Milford Sound ye vía a estata 94, estando una d'as mas polidas carreteras de Nueva Zelanda.[5]

Escalada editar

O Rahotu ye dificil d'escalar y no muita chent lo fa.[2] O primer intento de puyada se fació en 1883, encara que fue abortau debiu a o mal orache. A siguient vegada estió o 13 de marzo de 1911 cuan J R Dennistoun miró de puyar dende Peel Forest. A chent no creyió a Dennistoun, qui dició que heba construyiu un cairn en o pico a on heba penchau o suyo mocador. Istos feitos estioron confirmaus por a siguient expedición con exito en l'anyo 1914.[2] Bi ha seis rotas ta puyar a o Rahotu y a mayoría de escaladors prencipian plegando dica Sinbad Bay con barco.[2][6]

Referencias editar

Vinclos externos editar