Premios David de Donatello
| |||
|---|---|---|---|
| Edición actual | 68ena edición (2023) | ||
| Nombre local | David di Donatello | ||
| Premio a | las millors contrebucions de l'anyo enta lo cine italiano | ||
| Concediu por | Accademia del Cinema Italiano | ||
| País |  Italia
| ||
| Pachina web | http://www.daviddidonatello.it/ | ||
| Historia | |||
| Primera edición | 1era edición 1956 | ||
| |||
Os Premios David de Donatello (en italiano y oficialment, Premios David di Donatello) son un conchunto de premios cinematograficos concedius cada anyada por l'Accademia del Cinema Italiano a diferents categorias y ye considerau como l'equivalent italiano d'os Premios Oscar[1]. A suya primera edición estió en l'anyo 1956 y dende alavez se conceden cada anyada, sin garra interrupción.
En Italia o David de Donatello ye a o cine lo mesmo que o Premio Regia Televisiva ta la televisión y o Premio UBU ta lo teatro.
Historia
editarA historia d'o David di Donatello prencipió en a primera metat d'os anyos 50 con l'establimiento de l'Open Gate Club de Roma. En o prencipio o simbolo esleiyiu estió una puerta ubierta por a ideya de que con o remate d'a Segunda Guerra Mundial prencipiaba un nuevo tiempo culturalment brilant.[2]
En iste periodo cinematograficament brilant, apareixe en l'anyo 1953 o Comitato per l'Arte e la Cultura (Comité por l'Arte y a Cultura) y un anyada dimpués, en 1954, o Circolo Internazionale del Cinema (Cerclo Internacional d'o Cine) que en 1955 ye clamau Club Internazionale del Cinema (Club Internacional d'o Cine). Baixo a dirección d'Italo Gemini (1900-1983) se creya lo Premio David di Donatello con l'obchectivo de premiar a os millors prochectos cinematograficos italianos y foranos, seguntes o criterio d'a Academy of Motion Picture Arts and Sciences estausunidense.
A primera edición d'os premios, en l'anyo 1956, se celebró en o Cine Fiamma de Roma. Dende la segunda edición os premios se celebroron en o teatro greco-roman de Taormina con bellas excepcions: as edicions de 1971, celebrada en as Tiermas de Caracalla de Roma; de 1978, en a Piazzale Michelangelo de Florencia; y de 1979, en o Teatro Costanzi de Roma. En l'anyo 1981 a ceremonia se celebró en dos seus diferents y en dos momentos: en o Teatro Costanzi de Roma y en o Palazzo Vecchio de Florencia. Dende 1982 os premios s'entregan en a ciudat de Roma.[3]
En l'anyo 2006 con a celebración d'os 50 anyos dende a primera edición d'os premios, se creyó un premio especial clamau David del CInquantenario y os ganadors estioron ueito personalidaz importants d'o cine italiano: o sastre Piero Tosi, o director de fotografía Giuseppe Rotunno, o musico Ennio Morricone, o productor cinematografico Dino De Laurentiis, o director de cine Francesco Rosi, o guionista Suso Cecchi D'Amico, l'escenografo Mario Garbuglia y l'actriz Gina Lollobrigida, primera ganadora d'o David de Donatello a la Millor Actriz.
O 25 de noviembre de 2009, Gian Luigi Rondi estió nombrau president vitalicio.
Categorías
editarCategorías vichents
editarCategorías desapareixidas
editarEdicions
editarAnyos 1950
editar| Edición | Calendata | Millor Cinta | Millor Actor | Millor Actriz | Millor Director | Lugar d'a ceremonia | Notas |
|---|---|---|---|---|---|---|---|
| 1era edición | 5 de chulio de 1956 | No concediu | Vittorio De Sica | Gina Lollobrigida | Gianni Franciolini | Cine Fiamma, Roma | |
| 2nda edición | 3 d'agosto de 1957 | No concediu | No concediu | No concediu | Federico Fellini | Teatro de Taormina, Taormina (Sicilia) | |
| 3era edición | 29 de chulio de 1958 | No concediu | No concediu | Anna Magnani | No concediu | Teatro de Taormina, Taormina (Sicilia) | |
| 4ena edición | 26 de chulio de 1959 | No concediu | No concediu | Anna Magnani | Alberto Lattuada | Teatro de Taormina, Taormina (Sicilia) |
Anyos 1960
editarAnyos 1970
editarAnyos 1980
editarAnyos 1990
editarAnyos 2000
editarAnyos 2010
editarAnyos 2020
editar| Edición | Calendata | Millor Cinta | Millor Actor | Millor Actriz | Millor Director | Lugar d'a ceremonia | Notas |
|---|---|---|---|---|---|---|---|
| 65ena edición | 8 de mayo de 2020 | Il traditore | Pierfrancesco Favino | Jasmine Trinca | Marco Bellocchio | Estudio 2 d'o Centro de producción de televisión Raffaella Carrà, Roma (Lazio) | Presentada por Carlo Conti |
| 66ena edición | 11 de mayo de 2021 | Volevo nascondermi | Elio Germano | Sophia Loren | Giorgio Diritti | Estudio 5 d'o Estudio de televisión Fabrizio Frizzi, Roma (Lazio) Teatro de l'Opera de Roma, Roma (Lazio) |
Presentada por Carlo Conti |
| 67ena edición | 3 de mayo de 2022 | È stata la mano di Dio | Silvio Orlando | Swamy Rotolo | Paolo Sorrentino | Cinecittà, Roma (Lazio) | Presentada por Carlo Conti y Drusilla Foer |
| 68ena edición | 10 de mayo de 2023 | Le otto montagne | Fabrizio Gifuni | Barbara Ronchi | Marco Bellocchio | Estudios Lumina, Roma (Lazio) | Presentada por Carlo Conti y Matilde Gioli |
Record
editarCintas con mas premios
editarActualizato dica l'edición de l'anyo 2015.
Actors con mas premios
editarActualizato dica l'edición de l'anyo 2015.
| Numero de premios | Ganador |
|---|---|
| 7 | Alberto Sordi (toz como millor actor protagonista) Vittorio Gassman (toz como millor actor protagonista) Margherita Buy (5 como millor actriz protagonista y 2 como millor actriz no protagonista) |
| 6 | Sophia Loren (toz como millor actriz protagonista) |
| 5 | Marcello Mastroianni (toz como millor actor protagonista) Monica Vitti (toz como millor actriz protagonista) |
| 4 | Marina Confalone (3 como millor actriz no protagonista y uno como millor actriz protagonista) Giancarlo Giannini (toz como millor actor protagonista) Nino Manfredi (toz como millor actor protagonista) Mariangela Melato (toz como millor actriz protagonista) Toni Servillo (toz como millor actor protagonista) |
Curiosidaz
editar- Carlo Verdone, Massimo Troisi, Roberto Benigni, Nanni Moretti, Kim Rossi Stuart y Sergio Castellitto son os unicos con nominación en o mesmo anyo a os premios David de Donatello a o millor actor protagonista y David de Donatello a o millor actor no protagonista.
- La ragazza del lago ye a unica cinta ganadora d'o David de Donatello a la millor cinta y David de Donatello a o millor director, en l'anyo 2008.
- Massimo Troisi y Luigi Lo Cascio ganoron os suyos premios David de Donatello a o millor actor protagonista en as suyas primeras interpretacions cinematograficas (respectivament por Ricomincio da tre y I cento passi).
- Roberto Benigni y Nanni Moretti son os unicos actors-directors en ganar os premios Millor cinta-Millor director por cintas dirichitas e interpretatas por éls mesmos (respectivamente por La vita è bella y por Il caimano).
- Alberto Sordi, Carlo Verdone (2 veces), Massimo Troisi, Roberto Benigni y Sergio Castellitto son os unicos en ganar o premio David de Donatello por o millor actor protagonista por cintas dirichitas por éls mesmos (respectivament por Fumo di Londra, Borotalco; Maledetto il giorno che t'ho incontrato, Ricomincio da tre, La vita è bella e Non ti muovere).
- Florinda Bolkan, Angela Molina, Elena Safonova, Bruno Ganz, Penélope Cruz, Michel Piccoli y Zhao Tao son os unicos actors no italianos en ganar o premio David de Donatello a o millor actor protagonista/David de Donatello a la millor actriz protagonista.
- En l'anyo 2000 a cinta Pane e tulipani de Silvio Soldini gano os 4 premios con candidatas suyas (en orden Bruno Ganz, Licia Maglietta, Giuseppe Battiston y Marina Massironi). Tamién en l'anyo 2014, en a cinta Il capitale umano de Paolo Virzì con 3 premios de 4 candidaturas (Fabrizio Bentivoglio, Valeria Bruni Tedeschi, Fabrizio Gifuni y Valeria Golino).
- En l'anyo 2003, Massimo Girotti ganó o David de Donatello por o millor actor protagonista por a cinta La finestra di fronte de Ferzan Özpetek.
Referencias
editarSe veiga tamién
editarVinclos externos
editar
Se veigan as imáchens de Commons sobre os Premios David de Donatello.- (it) (en) Pachina web oficial
Datos: Q31579- Multimedia: David di Donatello / Q31579
