Prekmurje

Prekmurje (en hongaro Muravidék, en prekmuro Prekmürsko) ye una rechión tradicional d'Eslovenia situada en o cabo noreste d'o suyo territorio entre Austria, Hongría, Croacia y a rechión eslovena d'a Baixa Estiria. A rechión fa part d'a plana pannoniana y ye una plana, de fueras d'os pueyos d'o nord (Goričko). Ye desauguada por o río Mur, (d'a on pren o nombre) y por o suyo afluent Lendava. Presenta una historia, cultura y parla diferent d'a resta d'as tierras habitadas por eslovenos por a suya situación en a plana pannoniana y por haber perteneixiu a lo Reino d'Hongría y no a lo Reino d'Austria, y encara bi ha una important minoría hongara. Bi ha poblacions bilingües como Dobrovnik (Dobrónak), Hodoš (Hodos) y Lendava (Lendva).

Prekmurje
Prekmürsko
Rechión historica d'Eslovenia
Slovene traditional region Prekmurje.png
Situación de Prekmurje en Eslovenia
Capital Murska Sobota
Idioma oficial
 • Luenga propia
 • Atros idiomas
Esloveno
Prekmuro
Hongaro
Entidat
 • País
Rechión historica
Flag of Slovenia.svg Eslovenia
Chentilicio Prekmuro

ToponimiaEditar

A rechión prene o suyo nombre d'o río Mur, que la desepara d'a resta d'Eslovenia, y o toponimo ye una traducción literal d'o esloveno "dezaga d'o Mur" u "Transmurania". En hongaro a rechión ye Muravidék y en alemán Übermurgebiet.

O toponimo Prekmurje ha estau introdueito fa relativament poco. Antes de 1919 as tierras habitadas por eslovenos d'o Condato de Vas en o Reino d'Hongría yeran conoixidas como Marca Eslovena u Marca Venda (en esloveno: Slovenska krajina, en Hongaro: Vendvidék). A part de l'actual Prekmurje que perteneixeba a lo Condato de Zala (l'aria entre Lendava, Kobilje y Beltinci) no yera considerada part d'a Marca Eslovena. Manimenos dica principios d'o sieglo XIX esta rechión d'o Condato de Zala perteneixeba eclesiasticament a la Archidiocesi de Zagreb, y n os documentos d'esta archidiocesi este territorio yera dito Transmurania u Prekmurje ("territorio de l'atra marguin d'o río Mur"). Dimpués de 1919 o nombre fue redescubierto y introdueito de nuevo por l'administración Yugoslava, alavez pa propositos administrativos. Manimenos no ganó guaire popularidat entre la chent local, que seguiba fendo servir "Marca Eslovena" dica mitat d'o decenio de 1920. Dimpués fue sustituito por "Marca d'o Mur" (en esloveno: Murska krajina), que esdevinió a denominación més usada dica a Segunda Guerra Mundial. L'actual toponimo hongaro pa Prekmurje Muravidék data d'este periodo y ye una traducción d'o esloveno Murska krajina. Estió dimpués d'a Segunda Guerra Mundial quan o toponimo Prekmurje esdevinió prenominan y reemplazó a escape a las anteriors denonimacions.

Actualment o viello termin Vendvidék encara existe en Hongría, pero només que pa denominar a chicota aria de población eslovena dentro d'Hongría entre Szentgotthard y a muga con Eslovenia, que quedó en Hongría dimpués de 1919.

HistoriaEditar

Ha feito part d'o condato de Vas d'o Reino d'Hongría, de fueras de Lendava, que perteneixeba a lo Condato de Zala dende o sieglo XI dica 1526, y entre 1687 y 1849 y entre 1867 y 1918.

Esta rechión fue ocupada por Hongría dende 1941 dica 1944 en a Segunda Guerra Mundial, y dimpués restituita a la nueva Yugoslavia.

Veyer tamiénEditar


Rechions historicas d'Eslovenia  
Baixa Estiria | Carintia eslovena | Carniola (Alta Carniola - Baixa Carniola - Carniola Interior) | Litoral esloveno | Prekmurje