Cuarcita
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
A quarcita ye una roca metamorfica formata a partir de rocas sedimentarias ricas en quarz, sobre tot as piedras d'arena y almendrons por recristalización tanto en o metamorfismo rechional como en o metamorfismo de contacto (como muitas d'o Pireneu Axial[1]).
O termin quarcita se fa servir de trazas diferents en petrolochía y en estratigrafía. Dende o punto de vista d'un petrologo o termin quarcita s'aplica dende l'inte que bi ha presencia de minerals metamorficos, y o que os estratigrafos dicen "quarzitas" son en realidat piedras d'arena de gran fin muito compactas y cementatas.
Composición
editarO quarz ye o mineral predominant. Se pueden trobar minerals pesatos propios d'a roca sedimentaria orichinal: zircón, rutilo, turmalina, magnetita, ilmenita y apatito.
Si trobamos clorita u micas a roca orichinal yera una piedra d'arena con bellacosa d'archila. Si bi ha feldespatos a roca orichinal podeba estar una arcosa. Si a roca orichinal yera una piedra d'arena con cierta cantidat de calcita (calcarenitas y atras), podemos trobar diopsido y epidota.
Caracteristicas
editar
A mida d'o gran ye fin dica meyo, y a textura granoblastica prou uniforme. A color ye variable, pero gosa estar clara. Os oxidos de fierro y os oxihidroxidos de fierro li dan una color marronenca.
Bi ha quarcitas derivatas d'almendrons pueden tener restos de l'anterior textura sedimentaria en forma de ruellos de glera esclafatos en forma d'elipsoides.
Referencias
editar- ↑ Ánchel Belmonte Ribas "Guía Geológica del Pirineo", Editorial Pirineo.
Bibliografía
editar- Walter Maresh, Olaf Mendenbach "Las Rocas" Guías de Naturaleza Blume. 1990.
