Pazinacos
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Os pazinacos yeran un pueblo de luenga turquica que emigró dende Asia Central t'as estepas d'Europa Oriental y influyó en a historia de l'Imperio Romano d'Orient, os eslaus orientals, os hongaros y os bulgaros.
Una vegata que deixoron d'estar aliaus u mercenarios de l'Imperio Bizantín, plegoron a estar una amenaza important pa l'imperio dica que en l'anyo 1091 Aleixo I Comneno los derrotó d'una traza decisiva en a Batalla de Levunion.[1]
A zaguera incursión d'os pazinacos en os Balcans fue aturata en l'anyo 1122 en a Batalla de Berrhoia,[2] en a que fuoron derrotatos por os bizantins baixo o mandato de l'emperador Chuan II Comneno.
D'alcuerdo con una hipotesi os actuals meglenovlacos serían descendients d'os pazinacos derrotatos en 1091 por Aleixo I Comneno en a Batalla de Levunion y establitos en Meglena.
Etnonimos
editarEn textos latinos lis deciban bisseni bessi y pizenaci, y en hongaro besenyő, pero tamién becencik, en griego patzinakitai (d'astí a denominación de pazinaco que sale en o libro de los Emperadors), en turco Peçenek u Beçenek, en arabe y persa Bjnak/Bjamak/Bajanak, en tibetán Be-co-nag, en cheorchiano Pacanak-i, en armenio Pacinnak en luengas eslavas orientals Peceneghi/Pecenezi, en polaco Pieczyngowie/Piecinigi
O suyo nombre s'ha quiesto relacionar con a radiz bajanaq/bajinaq que significa en luengas turquicas antigas cunyato, y significaría clan u tribu emparentato por alianza.
Manimenos o historiador hongaro György Györffy crei que poderba haber significato hombres que habitan en as selvas, con a evidencia que muitas referencias a selvas d'Europa centro-oriental tienen a os pazinacos como un component d'o suyo nombre.
- Silva blacorum et bissenorum d'o sud de Transilvania.
- Una selva d'os pazinacos en a región de Vinniţa (Ucraína).
- Una selva pazinaca en a ripa d'o río Rosava de Polonia.
- Silva Pieczyngarum en o sudueste de Polonia.
- Concentración de toponimos pazinacos (Biborţeni, Baraolt, Ozon) en as provincias de Harghita y Covasna, que tienen muitas selvas.
- En un documento de 1218, os pazinacos d'a zona de Bakony, en l'ueste de Hongría son mencionatos como chents d'a selva.
O etnonimo emplegato por os hongaros besenyő ye pareixito con o etnomino wusun. Os wusuns estioron un pueblo nomada de raza caucasoide que i heba en Asia Central y que mencionaban as fuents chinesas antigas, y s'ha pensato que poderban estar os antepasatos d'os pazinacos.
Os pazinacos en fuents bizantinas
editarOs Pazinacos yeran descritos en De administrando imperio, obra de l'emperador Costantín VII lo Porfirocheneta, como un pueblo nomada, que se desplaza en función d'a plevia y d'os puestos pa paixentar y tamién se diz yeran ricos porque controlaban unas rutas comercials d'esclavos, cera y pelletas.
O cronista Marzawi proporciona en o sieglo IX bels detalles sobre os territorios controlatos por os pazinacos:
Os pacinacos teneban a estructura social tipica d'os nomadas, estando una confederación de clans organizata hierarquicament, pero libres d'operar independientment.
De Administrando Imperio contién cinco capítols dedicatos a los pacinacos. Dimpués que os bulgaros los hesen derrotato bellas vegatas, os bizantins i veyoron unos aliaus estratechicos contra o común enemigo bulgaro.
Baixo Constantín VII os bizantins seguiban una politica d'atracción con correspondencia y regalos prebando de dominar-los. O Imperio Bizantín los animó a obtener por meyos pacificos articlos de luxo que d'atra traza hesen habito de prener como trofeu de guerra. Una vegata compratos os servicios d'os pazinacos d'esta traza, os pazinacos yeran adrezatos contra os enemigos de l'imperio.
O mesmo Constantín Porfirocheneta menciona en a suya obra De cerimomiis que os líders d'as confederacions tribals tebeban dreitos eguals dende o punto de vista de l'Imperio Bizantín. Esto contrimuestra que os pazinacos no teneban un líder unico pero que a diferencia d'atros pueblos, a los líders pazinacos lis reconoixeban o status d'independencia, dende l'inte que yeran autorizatos a tener correspondencia con l'emperador de Costantinoble.
O Zar bulgaro Simeón fació servir a los pazinacos pa fer pinza a los hongaros y forachitar-los d'a tierra que ocupaban en as estepas d'Europa Oriental. Os pazinacos estioron tan eficients que os hongaros habioron d'emigrar temporalment ta Etelköz (en luenga hongara "entre ríos"), enantes que s'establisen pa cutio en Panonia y o río Danubio.
Un estato pazinaco independient
editarDimpués d'a revuelta de 1178 a paz concluita por Aleixo I Comneno en 1087 con os pazinacos reconoixió una nueva situación creata en o baixo Danubio por o estato pazinaco. Esta formación estatal arribó arredol de l'anyo 1087 baixo a dominación d'o pazinaco Tzelgu/Celgu/Salgo, que fació liga con o rei destronato hongaro Salomón. D'esta traza apareixió una coalición antibizantina prou poderosa. En uns documentos o khan Kutesk ye mencionato como cabo d'os pazinacos de Moldavia en o sieglo XI, encara que bels historiadors lo consideran un cumán.
Referencias
editar- ↑ Hermann Kinder, Werner Hilgemann, Manfred Hergt Atlas Histórico Mundial. De los orígenes a nuestros días Akal, 2007. p 117
- ↑ Hermann Kinder, Werner Hilgemann, Manfred Hergt Atlas Histórico Mundial. De los orígenes a nuestros días Akal, 2007.
