Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Articlo d'os 1000

Una estrela[1] o estrella[2] es una esfera de plasma en un equilibrio pareixito a lo equilibrio hidrostatico, que chenera enerchía por meyo d'un proceso de fusión nucleyar.[3] As estrelas (excepto lo sol) apareixen como puntos brilants en o cielo nocturno, y fan esparpallatas por efecto de l'atmosfera terrestre.

As Crapetas.

As estrelas emiten luz de totas as colors, a mezcla d'as cuals fa que se veigan blancas. Manimenos, en muitas estrelas se pueden apreciar ciertas tonalidaz cromaticas, sobretot as royas, com ye o caso de Betelgeuse u d'Antares. O Sol ye clarament amarillenco. Ixo ye porque a estrela emite mas luz amariella que no pas d'atras colors.

Etimolochía editar

A parola estrella[2] u estrela provién d'o latín STĒLLA[4], sin relación con o diminutivo -ĚLLUM que dió -iello, como podría pareixer. Ya en latín vulgar a -LL- cheminata dezaga de vocals largas como a Ē se simplificaba en forma de -L- en a zona septentrional[5] y d'astí que en francés se diga étoile y occitán estela, manimenos l'aragonés no simplifica a -LL- ni en villa, ni en olla, por o que cabrían atras explicacions como que a forma estrela de part de l'aragonés represente un resto de cheminación como a que se troba encara en belsetán en poquetas parolas (bel·la, payel·la, bel·lota, ecetra).[6]

Unidaz de mesura editar

Normalment os parametros d'as estrelas (masa, luminosidat y radio) s'expresan en comparanza con o sol. As valors d'istes parametros se definen como:

  • Luminosidat solar: L⊙ = 3.828 × 1026 W
  • Radio solar: R⊙ = 6.957 × 108 m
  • Masa solar: GM⊙ = 1.3271244 × 1020 m3 s−2

Tipos d'estrelas editar

Estrelas mas amanatas a la Tierra editar

Estrela[7] Tipo Magnitut aparent Distancia
Sol Nana amariella -26.72 8 minutos luz
Proxima Centauri Nana roya 11.05 4.2 anyos luz
Alpha Centauri Nana amariella 0.0 4.3 anyos luz
Alpha Centauri B Narancha 1.33 4.3 anyos luz
Estrela de Barnard Nana roya 9.54 5.9 anyos luz
Wolf 359 Nana roya 13.53 7.6 anyos luz
Lalande 21185 Nana roya 7.50 8.1 anyos luz
Luyten 726-8A Nana roya 12.52 8.4 anyos luz
Luyten 726-8B Nana roya 13.02 8.4 anyos luz
Sirius A Blanca -1.46 8.8 anyos luz
Sirius B Nana blanca 8.3 8.8 anyos luz

Referencias editar

  1. {{an} Garcés Lardiés]],Francho Rodés Orquín:Un borguil de parolas.Bocabulario dialeutal escolar, Gubierno d'Aragón, 2006, ISBN 84-689-7358-0, p.28
  2. 2,0 2,1 (es) Ángel Ballarín Cornel: Diccionario del Benasqués. Institución Fernando el Católico, Zaragoza, segunda edición 1978. p 180.
  3. (en) Joseph A. Angelo Jr. Encyclopedia of Space and Astronomy, Facts on File, 2006, ISBN 978-0-8160-5330-8, p.584
  4. (es) Francho Nagore Laín: Vocabulario de la Crónica de San Juan de la Peña (versión aragonesa, s. XIV), Universidat de Zaragoza, 2021, ISBN 978-84-1340-315-1, p.231
  5. (es) Heinrich Lausberg: Lingüistica romanica. Tomo I fonetica. Editorial Gredos.
  6. (es) Chabier Tomás Arias: El aragonés del Biello Sobrarbe. Instituto de Estudios Altoaragoneses, Uesca, 1999. ISBN 84-8127-095-4
  7. (es) Nancy Hataway:El universo para curiosos, Booket, 1997, ISBN 9788408009627, p.379

Bibliografía editar

  • (en) Pickover, Cliff (2001). The Stars of Heaven. Oxford University Press. ISBN 0-19-514874-6.
  • (en) Gribbin, John; Gribbin, Mary. Stardust: Supernovae and Life—The Cosmic Connection. Yale University Press, 2001. ISBN 0-300-09097-8.

Vinclos externos editar