Pastura
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
En agricultura, a pastura ye cualsiquier comestible de fundamento vechetal emplegato especificament ta la nutrición d'o bestiar, como son as vacas, uellas y tocins, y tamién as aus domesticas.
A pastura, anque per definición ye de naturaleza vechetal, puet estar tamién un preparato procesato con elementos de procendencia animal u mineral. En l'Alto Aragón tamién se diz pastura d'a pasta feta con restas vechetals de l'alimentación humana (como las fuellas exteriors d'as verzas y cols, pelas de trunfas y fruita, ecetra) que se gosan triturar a ormino en chunto con pan duro y augua ta dar-les-ne a os animals.
En a pastura herbacia emplegata mudernament en ganadería, se mira de complementar a mistura con graminias y leguminosas en proporcions concretas ta que lo resultato dé una dieta con proporcions correctas d'as diferents vitaminas y minerals que se troban en estes dos grupos de plantas.
Importancia ecolochica
editarEn a montanya, os sers humans han modificato la naturaleza ecolochica d'os ecosistemas d'a montanya meya y alta ta quitar-ne pratos de pastura on que se i practica la pastura selectiva ta favoreixer-ie lo creiximiento d'as especies de plantas mas nutritivas. En o Pireneu aragonés, lo paixentar tradicional d'as bestias en os puertos be ha favoreixito l'aparición d'extensions de pratos con mandils (Trifolium alpinum) y carderas (Nardus stricta).
