Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Adam Opel AG
Datos chenerals
Eslogan Wir leben Autos
Establimiento 1862
Localización Rüsselsheim, Alemanya
Enfiladors {{{enfiladors}}}
Industria Auto
Productos Auto
Beneficios {{{reuto}}}
Emplegatos {{{emplegaus}}}
Pachina web
Pachina web www.Opel.com
Twitter {{{twitter}}}
Facebook {{{facebook}}}

Adam Opel AG (a sobén conoixita como Opel) ye una interpresa d'autos d'Alemanya. A companyía fue establita o 21 de chinero de 1862 y prencipió a producción d'autos en 1899. Opel fue adquirita por General Motors en 1929 dica o 6 de marzo de 2017 cuan o grupo francés PSA mercó a marca, estando actualment como una interpresa subsidiaria de dita interpresa.

A companyía fue establita o 21 de chinero de 1862 por Adam Opel, y en primeras feba mas que mas maquinas de cusir. Adam Opel morió en 1895, cuan a suya interpresa yera líder en Europa en producción de maquinas de cusir y produciba mas de 2.000 bicicletas anyalment. Facioron os primers autos en 1898 comprando os dreitos a Lutzmann y vendendo-los como Opel-Lutzmann. Manimenos dos anyadas dimpués se sinyó un nuevo alcuerdo de licencia con Automobiles Darracq S.A. de Francia ta manufacturar vehíclos baixo o nombre d'"Opel-Darracq". Os vehíclos Opel yeran muntatos sobre una carrocería Darracq y movitos por una maquina de 2-celindros.

Ya en 1906 prencipioron a fer autos con disenyo propio, con os mesmos disenyos que heban amostrato en a Feria d'o Motor d'Hamburgo en 1902. En 1907 se fació o zaguer Opel-Darracq.

En 1911 bi habió un incendio y a fabrica se cremó y una atra nueva fue construita con nuevas maquinas. Dende allora se remató a producción de maquinas de cusir y se continó fendo bicicletas, autos y motoretas. En 1913 yera o primer fabricant d'autos d'Alemanya.

Historia editar

Inicios d'a interpresa editar

Adam Opel establió a suya fabrica de maquinas de cusir en 1886, en 1887 y siguindo l'eixemplo d'as fabricas de Coventry pasó tamién a fabricar bicicletas. A Adam Opel no le cuacaban os automóbils y cuan morió en 1895, os suyos fillos estioron os que se planteyoron a posibilidat de dentrar en o nuevo negocio debito a la cayita de ventas d'as bicicletas. Asinas mercoron Anhaltische Motorwagenfabrik en 1897. Ubrió as suyas puertas o 21 de chunio de 1899, y en o primer anyo se fabricoron 11 automovils.

En 1900, por diferencias d'opinión entre os Opel y os directivos d'a fabrica adquirita se zarró o departamento d'automóbils. Ta contrarrestar-lo, pasoron a importar Renault y Darracq dende Francia, adquiriendo a licencia de fabricación d'os Darracq (Opel-Darracq). En 1902 se presentó o primer auto 100% propio: un 2 celindros, 10/12PS y 1894 cc. En 1904 amaneixió o suyo primer 4 celindros, y en 1905 un motor ya gran con 6880 cc y 35/40PS. Encara que a base d'a marca yeran os modelos chicoz como "Volksautomobil" y o popular "Doktorwagen".

O periodo d'entreguerras editar

 
Opel Laubfrosch de 1924.

Antis d'a Primera Guerra Mundial, en 1914, a gama ya yera muit ampla y gosaba ufrir dica 100 CV. En 1916 presentan o suyo primer 6 celindros. Con a redota en a guerra, a situación economica alemana empioró, por o que os 6 celindros no teniron exito. A base tornaban a estar os autos asequibles. Debant d'ista situación, Opel decidió que o futuro yera en a producción a ixena d'un coche popular que s'adaptara a la demanda d'o mercato alemán. Asinas en 1924 s'instaló a cadena de producción y prencipió a producir en grans cantidaz o 4 celindros de 951 cc Laubfrosch, que tenió exito a l'inte.

En marzo de 1929 General Motors mercó o 80% d'a companyía incrementando a suya adquisición a o 100% en 1931. A familia Opel s'embolsó $33.3 millons de dolars en a transacción.

L'Opel P4, desenvolicato de tot por General Motors prencipió a construir-se en septiembre de 1935 y se comercializó en Alemanya a un precio muit baixo. Tenió una gran aceptación gracias a la suya economía y disenyo vanguardista. Nomás estió dos anyos en o mercato, ya que fue paralizata a suya producción en 1938 cuan s'heban construito 65.864 unidaz. A causa d'a suya fin estió l'aparición d'o Volkswagen (VW), concebito y emparato por o rechimen de Hitler.

En 1935 apareixe l'Olympia, modelo conmemorativo d'os Chuegos Olimpicos de Berlín 36. A l'anyo siguient apareixe o primer Kadett que se converte en l'auto mas vendito d'Alemanya con 107.000 unidades fabricatas dica 1941. Antis d'a Segunda Guerra Mundial o dominio d'Opel en o mercato alemán yera granizo con una cuota d'o 40%.

Opel en Aragón editar

Open ye present en Aragón dende o anyo 1982 cuan prencipió a producción del Opel Corsa en a planta de Figueruelas.[1]

 
Opel Corsa D.
 
Opel Meriva

Autos actuals editar

Modelo Cheneración (anyo) Imachen
Opel Corsa A (1982-1993) B (1993-2000) C (2000-2006) D (2006-2014) E (2014-2019) F (2019-)  
Opel Astra F (1991-1998) G (1998-2004) H (2004-2009) J (2009-2016) K (2016-)  
Opel Insignia A (2009-2017) B (2017-)  
Opel Crossland X A (2017-)  
Opel Grandland X A (2017-)  
Opel Combo A (1994-2001) B (2001-2012) C (2012-2018) D (2018-)  
Opel Vivaro A (2002-2015) B (2015-2019) C (2019-)  
Opel Movano A (2000-2010) B (2010-)  

Autos antigos editar

Modelo Succesor Imachen
Opel Olympia Opel Kadett  
Opel Kapitan Opel Rekord  
Opel Diplomat Opel Senator  
Opel Rekord Opel Omega  
Opel Commodore Opel Ascona  
Opel Ascona Opel Vectra  
Opel Monza No bi ha  
Opel Manta Opel Calibra  
Opel Kadett Opel Astra  
Opel Senator Opel Omega  
Opel Campo No bi ha  
Opel Arena Opel Vivaro  
Opel Calibra Opel Astra Coupé  
Opel Sintra No bi ha  
Opel Monterey No bi ha  
Opel Omega No bi ha  
Opel Speedster Opel GT  
Opel Frontera Opel Antara  
Opel GT No bi ha  
Opel Tigra No bi ha  
Opel Signum Opel Insignia  
Opel Vectra Opel Insignia  
Opel Agila Opel Karl  
Opel Meriva Opel Crossland X  
Opel Antara Opel Grandland X
Opel Ampera No bi ha
Opel Karl No bi ha, A (2017-2019)
Opel Adam No bi ha, A (2013-2019)  
Opel Cabrio No bi ha, A (2013-2019)  
Opel Zafira Opel Zafira Life, A (1999-2005) B (2005-2011) C (2011-2019)  
Opel Mokka No bi ha, A (2013-2019)  

Referencias editar

Vinclos externos editar