Modo imperativo en bavaro

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Tiempos verbals en bavaro

Modo indicativo

- Formas simplas Present Preterito imperfecto Futuro  - Formas compuestas Preterito perfecto Preterito plusquamperfecto Futuro compuesto

Modo conchuntivo

- Formas simplas Present Preterito imperfecto  - Formas compuestas Preterito plusquamperfecto

Modo imperativo

Imperativo

Impresonals

Infinitivo present Infinitivo perfecto Participio present Participio perfecto

O modo imperativo en bavaro (Imperativ) ye o modo gramatical que se fa servir ta esprisar órdens, requestas u deseyos. Ye un modo defectivo que no presenta formas ta todas as personas.

Formación d'o imperativo

Igual que en aragonés y en muitas atras luengas, en bavaro nomás existen formas propias ta o modo imperativo en a segunda persona de singular y de plural. L'alemán, como l'aragonés, por substituyen a resta de formas por as equivalents de present de subchuntivo (Konjuntiv Präsens), fueras d'a primera persona de plural que ye present d'indicativo. En bavaro como no existe o present de subchuntivo istas personas son igual que en present d'indicativo. Contino s'amuestra a conchugación d'o verbo "geh" (ir-se-ne) en bavaro:

Persona	Conchugación	Aragonés
1ª Sing.	-	-
2ª Sing.	gäh	ves-te-ne
3ª Sing.	gähd (oana)	(se'n vaiga)
1ª Plur.	gemmà	imo-nos-ne
2ª Plur.	gähds	ir-tos-ne
3ª Plur.	gengà (oa)	(se'n vaigan)
Cortesía	gengà S	(se'n vaiga)

S'observa que a segunda persona de plural pierde a desinencia, estando a forma d'imperativo "gäh" (ves-te-ne) y a de present d'indicativo "du gähsd" (te'n vas). A forma de segunda persona de plural "gähds" (i-tos-ne) se conchuga como en present d'indicativo "ià gähds" (tos n'itz), encara que sin o pronombre personal ià.

Caracteristicas

• O imperativo de primera persona de plural (coincident con a forma de present d'indicativo con o propombre personal dezaga) se fa servir, mas que mas en Austria, ta sustituyir a segunda persona de plural. Ista forma alternativa sona una mica menos autoritaria que a forma d'imperativo.

Bavaro	Alemán	Aragonés
gemmà	gehen wir	imo-nos-ne / ir-tos-ne
kàffmà	kaufen wir	merquemos / mercar
deàmmà	tun wir	faigamos / fer
schiàmmà	schieben wir	metamos / meter

Imperativo con doa

En bavaro se puet fer servir o imperativo d'o verbo auxiliar "doa" (fer) ta construyir imperativos d'atros verbos. A suya conchugación ye:

Persona	Imperativo
2ª Sing.	duà
2ª Plur.	deàds

Asinas se combina o imperativo de "doa" con o infinitivo d'o verbo prencipal. Ista forma con "doa" ye menos autoritaria que si s'emplega dreitament o imperativo d'o propio verbo:

Imperativo con doa	Imperativo normal	Aragonés
Duà schee essn!	Iiß	Mincha!
Deàds eià Hausaufgåb machà!	Machds eià Hausaufgåb!	Fetz a vuestra faina!

Bibliografía

• "Bairische Grammatik". Ludwig Merkle. Hugendubel. Múnich, 1975. ISBN 3-88034-127-3

• Datos: Q25620020