Abrir menú principal
Chordons en a mata.

Chordón ye una denominación popular ta's fruitos d'a chordonera (principalment, Rubus idaeus), que son drupas multiples («polidrupas») muit apreciatas en gastronomía y mas que mas en repostería.

Contenius

FarmacolochíaEditar

Advertencia: Biquipedia no ye un consultorio medico.
Si creye que aprecisa d'aduya, por favor consulte con un profesional d'a salut.
 
Chordons recient replegatos

Parti emplegataEditar

Os suyos prencipios activos se troban tanto en as fuellas como en o fruito u as simients.

Composición quimicaEditar

Os fruitos contienen un 1-2% d'acidos organicos, d'os qualos un 90% ye acido citrico. Amás, en istos bi ha vitamina C, diversos zucres y pectina. As simients contienen un 24% d'aceite esencial y as fuellas flavonoides, mas que mas glucosidos de kempferol y taninos, os compuestos de fenol d'as fuellas que, como se sabe, tienen función antioxidant y oscilan entre 4,8 i 12,0 mg d'equivalents d'acido galico.

S'ha caracterizato por un numero considerable d'antocianinas, entre as qualas s'ha de destacar cianidin-3-soforosido, cianidin-3-(2(G)-glucosilrutinosido), cianidin-3-sambubiosido, cianidin-3-rutinosido y cianidin-3-xilosilrutinosido.

Usos medicinalsEditar

Amás d'estar comestible, d'o fruito se'n obtiene un xarope muit perfumato, colorants y modificadors d'a sabor.

Tradicionalment as fuellas s'han utilizato com a relaxant uterino, como estimulant y en infusión, ta o tractamiento de diarreras y atros trastornos gastro-intestinals. S'ha emplegato tamién en ista forma ta amillorar os simptomas d'os costipatos y en Europa tamién ta facilitar os partos.

Nombres popularsEditar

A denominación «chordón» ye cheneral por tot l'Alto Aragón. S'ha documentato con ixa parola dende a val de Benás[1] dica la val d'Ansó,[1] en o estremo oposato d'o Pireneu d'Aragón. «Chordón» tamién s'emplega en Tarazona y o Moncayo. Manimenos, y como ye cosa cheneral en aragonés, amaneixen en as prospeccions lexicograficas qualques denominacions alternativas de forma puntual en bells lugars. P. ex. s'ha trobau a denominación «churlestre» exclusivament en Ansó,[1] a on que tamién i coexiste con a parola «chordón»,[1] y tamién s'ha puesto trobar a parola «churrustel» que no s'emplegaría si que en Luesia.[1]

ReferenciasEditar

  1. 1,0 1,1 1,2 1,3 1,4 (an) VIDALLER TRICAS, Rafel, Libro de As Matas y Os Animals; Dizionario aragonés d'espezies animals y bechetals; Ed. Val d'Onsera. Zaragoza 2004. ISBN 978-84-8986-235-7

Vinclos externosEditar