Mervyn LeRoy

Mervyn LeRoy
Fotografía de Mervyn LeRoy en 1934 en Nápols.
Fotografía de Mervyn LeRoy en 1934 en Nápols.
Información personal
Calendata naiximiento: 15 d'octubre de 1900
Puesto naiximiento: Flag of the United States.svg San Francisco (California, Estaus Unius)
Calendata muerte: 13 de setiembre de 1987
Puesto muerte: Flag of the United States.svg Beverly Hills (California, Estaus Unius)
Ocupación: Actor
Director cinematografico
Guionista
Productor cinematografico
Conchuche: * Elizabeth Edna Murphy ​(m. 1927; esvurcio 1933)​
* Doris Warner ​(m. 1934 esvurcio 1942)
* Katherine Spiegel ​(m. 1946)
Fillos: 2, encluyendo-ie Warner LeRoy

Mervyn LeRoy, naixiu de San Francisco (California, Estaus Unius) o 15 d'octubre de 1900 y muerto en Beverly Hills (California, Estaus Unius) o 13 de setiembre de 1987[1] estió un destacau director y productor cinematografico estausunidense, activo en o Cine estausunidense dende zaguerías d'os anyos 1920 dica finals d'os anyos 1960. Antiparte, tamién estió actor de vodevil y en bellas cintas, más que más de cine mudo, y fació bells guions.

Mientres os anyos 1930 treballó t'a productora Warner Bros. Entertainment Inc., estando uno d'os suyos directors más destacaus (chunto con Michael Curtiz). Ta ells dirichió bellas cintas como Little Caesar (1931, con Edward G. Robinson, Douglas Fairbanks Jr. y Glenda Farrell), I Am a Fugitive from a Chain Gang (1932, con Paul Muni, Glenda Farrell, Helen Vinson y Noel Francis), Gold Diggers of 1933 (1933, con Warren William, Joan Blondell, Aline MacMahon, Ruby Keeler y Dick Powell) u They Won't Forget (1937, con Claude Rains, Gloria Dickson, Edward Norris y Lana Turner).

Dende 1939 pasó a treballar ta la productora Metro-Goldwyn-Mayer como productor y director, a on o suyo primer treballo estió rematar a producción de The Wizard of Oz (1939, Victor Fleming, con Judy Garland, Frank Morgan, Ray Bolger, Bert Lahr, Jack Haley, Billie Burke, Margaret Hamilton y Charley Grapewin), encara que o suyo nombre no i amanixe, en os títols de credito. Ta ista productora dirichió cintas como Waterloo Bridge (1940, con Vivien Leigh, Robert Taylor, Lucile Watson, Virginia Field, Maria Ouspenskaya y C. Aubrey Smith), Madame Curie (1943, con Greer Garson, Walter Pidgeon y Henry Travers), u Thirty Seconds Over Tokyo (1944, con Van Johnson, Robert Walker y Spencer Tracy).

En rematar a Segunda Guerra Mundial Mervyn LeRoy se trobó acusau en o Comité d'Actividatz Anti-americanas promoviu por o senador Joseph McCarthy, con acusacions tan sorprendents como que heba contractau a lo guionista Dalton Trumbo ta la suya cinta Thirty Seconds Over Tokyo, y la suya carrera s'en resintió. Tanimientres, en ixas embueltas dirichió bellas cintas como Little Women (1949, con June Allyson, Peter Lawford, Margaret O'Brien, Elizabeth Taylor, Janet Leigh, Rossano Brazzi y Mary Astor), East Side, West Side (1949, Barbara Stanwyck, James Mason, Van Heflin, Ava Gardner, Cyd Charisse, Nancy Davis y Gale Sondergaard) u Any Number Can Play (1949, con Clark Gable, Alexis Smith, Wendell Corey, Audrey Totter, Frank Morgan, Mary Astor y Lewis Stone).

Mientres os anyos 1950 dirichió una superproducción como Quo Vadis (1951, con Robert Taylor, Deborah Kerr, Leo Genn y Peter Ustinov) pero tamién cintas como Lovely to Look At (1952, con Kathryn Grayson, Red Skelton, Howard Keel, Marge Champion, Gower Champion y Ann Miller) u Latin Lovers (1953, con Lana Turner, Ricardo Montalban, John Lund y Louis Calhern). Dende alabez dirichió ya cintas menors, como Home Before Dark (1958, con Jean Simmons, Dan O'Herlihy, Rhonda Fleming y Efrem Zimbalist Jr.), The Devil at 4 O'Clock (1961, con Spencer Tracy, Frank Sinatra, Kerwin Mathews y Jean-Pierre Aumont) u Moment to Moment (1966, con Jean Seberg, Honor Blackman y Sean Garrison.

ReferenciasEditar

  1. (en) Mervyn LeRoy en IMDb.

Enlaces externosEditar