Martes Santo

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O Martes Santo ye o tercer d'os días d'a Semana Santa, que prencipia o Domingo de Ramos, y mientres a que os cristianos remeran a Pasión, Muerte y Resurrección de Chesús de Nazaret.

A traición de Chudas, de Giotto

Liturchia de Martes Santo

En o Evanchelio d'o Martes Santo, Chesús abanza a os suyos disciplos a traición de Chudas y as Negacions de Sant Pero. O texto ye de Sant Chuan:

Habendo dito isto, Chesús sintió pampurrias en o suyo esprito y declaró:

-«En verdat, en verdat tos digo que un de vusatros me va a fer traiduría».
Os disciplos se uellaban os uns a os atros sin de poder-sen esplicar por quí lo deciba. Un d'os suyos disciplos yera posato a canto d'o peito de Chesús; yera o suyo predilecto. Simón Pietro li cenyó ta que li preguntás por quí podreba dicir-lo. Repuntando-se allora sobre o peito de Chesús, li preguntó: -«Sinyor, quí ye?».
Chesús li contestó:
-«Ye aquel ta qui yo voi a mullar o trabil de pan y a qui li'n voi a dar. Y mullando lo trabil, li'n dió a Chudas, fillo de Simón Escariot. Y malas que recibió lo trabil, dentró Satanás en él. Por ixo dició Chesús:
-«O que vas a fer, fes-lo decamín».
Dengún d'os que yeran a la mesa no sapió por qué deciba ixo. Beluns pensaban que, como que Chudas teneba la bolsa, Chesús li deciba que mercás o que amenistaban ta la fiesta u que donás cualcosa a los pobres. Él prenió lo trabil y salió decamín: yera de nueis. Cuan n'ixió, dició Chesús:
-«Va a manifestar-se a gloria d'o Fillo de l'Hombre y Dios será glorificato en él. Y si Dios va a estar glorificato en o Fillo de l'Hombre, tamién Dios lo glorificará a él, Dios mesmo dará a conoixer a suya propia gloria. Y lo va a fer lugo.
Fillos míos, ya me queda poquet ta estar con vusatros. Me buscarez, pero ixo que dicié a os chodigos: "Ta an que yo me'n voi, vusatros no soz capables de venir, lo tos digo tamién a vusatros agora."
Li preguntó Simón Pietro:
-«Sinyor, ta on te'n vas?»
Li respondió Chesús:
-«Ta on que me'n voi no yes capable de siguir-me agora, pero me siguiras dimpués».
Li dició Pietro:
-«Sinyor, por qué no soi capable de siguir-te agora? Daré a mía vida por tu».
Refetó Jesús:

-«Darás por yo a tuya vida? Pos en verdat te digo que antis que cante o gallo m'habrás negato tres vegatas». (Chn 13, 21-33 36-38)

Celebracions en Aragón

Procesión d'as Glarimas de Zaragoza

En Zaragoza tres cofadrías fan Via Crucis por diferents puestos d'a ciudat (Crucifixión, Eucaristía y Verónica), tamién procesionan as cofadrías d'a Piedad y o Huerto. A cofadría d'o Descendimiento fa a Procesión d'as Glarimas que sale dende o Colechio de Chesuitas y remata en Santa Isabel de Portugal, leyendo en diferents puntos d'o camín as 5 glarimas d'a Virchen y cantando en cadaguna una ixota.

Dica 1920 en Uesca se feba a Procesión de los mazos en a que se remeraba l'alcuentro de Chesús con María Madalena y a on que os ninos (ditos "mata-chodigos") iban con dos mazos de fusta en a cabecera d'a procesión.

Referencias

• Datos: Q2395135
• Multimedia: Holy Tuesday / Q2395135