Giotto di Bondone
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Giotto di Bondone | |
|---|---|
.JPG) Giotto di Bondone | |
| Información personal | |
| Calendata de naixencia | 1267 |
| Puesto de naixencia |  Florencia (Republica de Florencia)
|
| Calendata de muerte | 1337 |
| Puesto de muerte | Florencia (Republica de Florencia)
|
| Ocupación | Pintor |
Giotto di Bondone, conoixito como Giotto, estió un pintor, escultor y arquitecto italiano, naixito en 1267 y muerto en 1337.
As innovacions d'a pintura suya fan d'él o mes gran representant d'o Trecento italiano, considerando-se o vinclo prencipal entre l'arte bizantín d'a Edat Meya tardana y a gran revolución artistica d'o Renaiximiento.
Naixito en una familia campesina d'a Toscana, posiblement clamato Ambrogio, pareix seguro que se formó con o pintor Cimabue. A obra mes antiga que li atribuyen bels expertos son os frescos d'a ilesia superior d'Asís, en concreto a Historia de sant Francesco d'Asís. En 1304, Giotto se tresladó ta Padua a fin de pintar os frescos que a familia Scrovegni li encargó ta una d'as suyas capiellas. Ixos frescos son os solos que li se atribuyen con seguranza, y incluyen un Chuicio Final (en o muro ueste), una Anunciación (en l'arco d'o presbiterio) y bellas escenas d'a Vida d'a Virchen y d'a Pasión de Cristo (en os altros muros). A obra en plegato amuestra una nueva concepción d'a pintura per l'atención que para l'artista igual ta la creyación d'efectos de perspectiva como ta la unificación d'o espacio, que aconsigue entegrar as feguras con os elementos arquitectonicos que lis fan de bastida. L'uso de colors puras y matizatas acobalta la solemnidat y o dramatismo d'as escenas.
A partir de 1317, o mayestro treballó en Florencia en a decoración de dos capiellas d'a ilesia d'a Santa Croce. As escenas d'a Vida de sant Francesco pintatas en a capiella Bardi anuncían os ideyals pictoricos d'o Quattrocento. Os frescos sobre a Vida de Chuan Baptista en a capiella Peruzzi antecipan as conquiestas espacials de Masaccio. Posteriorment, Giotto treballó ta Roberto d'Anchú, en Nápols, y ta os Visconti, en Milán. Pero a obra mes important d'os zaguers anyos d'a suya vida estió lo Campanile d'a seu de Florencia, d'o cual trazó los planos y emprencipió a construcción.
As innovacions en l'arte de Giotto li atorgón ya buena fama en o suyo tiempo, y o mayestro fue loato per muitos d'os suyos coetanios.
Vinclos externos
editar
Se veigan as imáchens de Commons sobre Giotto di Bondone.
Datos: Q7814- Multimedia: Giotto di Bondone / Q7814
