Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

As glarimas[1] son un liquido produciu por o proceso corporal d'a lacrimación (u simplament por plorar), pa limpiar y lubricar o uello.

O sistema lacrimal. A) Glandula lacrimal B) Punto lacrimal superior C) Canal lacrimal superior D) Saco lacrimal E) Punto lacrimal inferior F) Canal lacrimal inferior G) Canal naso-lacrimal

Intervienen fundamentalment en a optica ocular y en o funcionamiento normal d'o globo ocular y as suyas estructuras. A glarima s'adosa como una part liquida a lo uello. Cualsiquier alteración d'a glarima influye en l'agudeza visual. A función metabolica ye a de levar oxicheno a traviés d'a capa hidrica (levando lentillas l'oxicheno puet plegar malament). A función bacteriostatica se produce por a lisozima y a gammaglobulina que leva a mesma glarima, as cuals desfan a paret celular d'as bacterias.

Como funcions secundarias as glarimas absorben os rayos ultraviola d'a luz solar, humectan o naso y arrocegan particlas estanias cuan se mueven os parpiellos.

As emocions fuertes como a pena u a felicidat exprema pueden fer plorar. O proceso de badallar tamién puet fer producir glarimas. Encara que muitos mamiferos terrestres tienen un sistema lacrimal que funciona pa limpiar y mantener humidos os uellos, por un regular s'accepta que os humans son os solos animals que producen glarimas a causa d'as emocions. Estudios recients suchieren que os elefants, os gorilas y mesmo os camellos tamién ploran.

Referencias editar

  1. (an) Silbia Garcés Lardiés y Francho Rodés Orquín:Un borguil de parolas.Bocabulario dialeutal escolar, Gubierno d'Aragón, 2006, ISBN 84-689-7358-0, p.33