Cofradía de la Crucifixión del Señor y de San Francisco de Asís

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Cofradía de la Crucifixión del Señor y de San Francisco de Asís

Información cheneral
Establita 1951
Seu canonica Ilesia de Sant Antonio de Padua
Seu social Ilesia de Sant Francisco d'Asís
Cofadres 320
Pasos 2
Instrumentos Tambors
Uniforme Tercerol beige y tunica marrón
Web cofradiadelacrucifixion.asksa.net

A Cofradía de la Crucifixión del Señor y de Sant Francisco de Asís (en aragonés Cofadría d'a Crucificación d'o Sinyor y de Sant Francisco d'Asís) ye una cofadría d'a Semana Santa zaragozana.

Historia editar

Heredera d'a Venerable Orden Tercera, que encara organizaba o Santo Entierro dica meyatos d'o sieglo XIX, a cofadría naixe o 12 d'abril de 1951 dimpués d'una reunión entre a Fraternidat de Santa Catalina, os Franciscanos d'o Rabal y os Capuchins de Sant Antonio en Torrero, que yeran as tres fraternidaz d'a Orden Tercera de Sant Francisco en Zaragoza.

Manimenos a historia d'ista cofadría en a Semana Santa zaragozana prencipia en l'anyo 1219 cuan Frai Chuan de Florencia, succesor de Sant Francisco, establió en Zaragoza un convento d'a suya orden que prencipió a construir-se amán d'a muralla d'a ciudat en l'anyo 1286, rematando-se en 1357.

Mientres o sieglo XVIII a Venerable Orden Tercera s'encargaba d'a organización d'as tres procesions de Semana Santa chunto a la Sangre de Cristo: a Trobada o Martes Santo, o Santo Entierro lo Viernes Santo y a Resurrección o Domingo de Pascua.

Mientres a Guerra d'a Independencia espanyola o convento de Sant Francisco, seu d'a orden fue destruito por os franceses y se perdioron muitos d'os pasos propiedat d'a orden y d'a Sangre de Cristo. Bels anyos dimpués, en 1819 prencipian os problemas entre ambas institucions, cuan a Sangre de Cristo diz que a Orden Tercera ye intentando apropiar-se d'os antiquismos dreitos y privilechios que teneba la chirmandat. Asinas dimpués d'anyos de pleitos, en os que incluso se facioron procesions d'o Santo Entierro paralelas organizatas por as dos institucions, a la fin o 27 de mayo de 1827 debant de D. Joaquín Pardo y Vicente, notario de Zaragoza, s'alcuerda que a Sangre de Cristo sería la sola chirmandat con dreito ta organizar a procesión d'o Santo Entierro.

En 1952 s'establió canonicament l'actual cofadría y ya participoron en a Procesión d'o Santo Entierro d'ixe mesmo anyo, feita o 12 d'abril. O primer nombre d'a cofadría estió Cofradía de la Crucifixión del Señor y de la Venerable Orden Tercera de San Francisco de Asís ya que nomás yeran franciscanos os suyos miembros.

Dende 1953 se fa o Martes Santo lo tradicional Vía Crucis franciscano dende a Ilesia de Sant Antonio dica Santa Isabel de Portugal (Sant Cayetano). Se creya la sección de tambors en l'anyo 1967. En 1989 se fa por primera vegata la procesión por as carreras d'o barrio zaragozano d'o Rabal.

Pasos editar

 
O Calvario
  • O Calvario: Obra d'o escultor José Alegre de 1841. En a escena apareixen tres cruces, Chesús y os dos ladrons a los suyos costatos y o Mont Calvario. D'atra mán i son as imáchens de María y Sant Chuan y Longinos dencima d'un caballo. Dende 1940 yera paso tetular d'a Cofradía de las Siete Palabras y de San Juan dica 1952 cuan paso a estar o paso d'a cofadría d'a Crucifixión del Señor y San Francisco de Asís. A lo prencipio iste paso no teneba ruedas, y por ixo teneba que estar portiato por 20 cofadres, pero mas tardi le s'adhibioron.
  • Pedaina de Cristo Crucificato: Ye propiedat d'a parroquia de Chesús Mayestro y sale con a cofadría en o Vía Crucis de Martes Santo por as carreras d'o barrio de Chesús de Zaragoza.

Uniforme y emblema editar

Tunica marrón con cordón y nugo franciscano y tercerol beige.

O emblema ye o tradicional d'a Orden Tercera a on apareixe una cruz sobre una boira con dos brazos, un desnudo que ye de Chesús y unatro vestito que ye de Sant Francisco.


 
Cofadrías de Zaragoza
 

Calvario · Columna · Coronación · Crucifixión · Descendimiento · Despojado · Dolorosa · Ecce-Homo · Entrada · Esclavas · Eucaristía · Exaltación · Huerto · Humildad · Humillación · Llegada · Nazareno · Piedad · Prendimiento · Resucitado · Sangre de Cristo · Siete Palabras · Silencio · Verónica