Lunes Santo

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

O Lunes Santo ye o segundo d'os días d'a Semana Santa, que prencipia o Domingo de Ramos, y mientres a que os cristianos remeran a Pasión, Muerte y Resurrección de Chesús de Nazaret.

L'Untamiento de Chesús en Betania, pasache d'o Evanchelio de Lunes Santo

Amás d'os actos que se fan en os templos, bi ha diversas manifestacions populars arredol d'o mundo en Semana Santa, destacando as procesions que s'organizan en muitos pueblos y ciudatz.

Liturchia de Lunes Santo

A esferencia d'atros días d'a Semana Santa que tienen ceremonias singulars, en a Ilesia Catolica o Lunes Santo contina a celebración normal d'a misa. En ista se leye o Evanchelio que recenta o pasache de L'Untamiento en Betania, en casa de Lazaro, en o que una d'as hermanas d'iste, María le unta con parfumes de gran valgua. A lectura corresponde a o Evanchelio seguntes Sant Chuan:

Chesús, seis días antis d'a Pascua, marchó ta Betania, a on que yera Lazaro, o muerto que heba debantato d'a muerte. Li ufrioron allí una cena; y Marta serviba; Lazaro yera un d'os que yeran posatos con ell a la mesa. Allora María, prenendo una libra de parfume de nardo lechitimo de gran valgua, l'ungüentó los piez a Chesús y li'n ixugó con o pel. Y a casa s'implió d'a fragancia de l'ungüento. Pero Chudas Escariot, un d'os disciplos, o que iba a entregar-lo, dició: -Por que ragón no s'ha vendito iste parfume por trescientos denarios de plata y no s'ha dato a los pobres? Dició isto no pas porque l'importasen os pobres, sino porque yera un furtaire, y como teneba la bolsa, se levaba o que i chitaban. Dició allora Chesús: -Deixa-la!, Ella ha alzato iste parfume ta o tiempo d'a mía sepoltura; a os pobres los tenetz perén entre vusatros; por contra a yo no m'itz a tener perén. Una gran moltitut de chodigos s'enteró que yera allí y se'n fuoron no sólo por Chesús, sino tamién ta veyer a Lazaro, a o que heba debantato d'a muerte. Os sumos sazerdotz, por a suya parti, heban decidito matar tamién a Lazaro, porque por ell muitos d'aquels chodigos se'n iban y creyeban a Chesús. (Chn 12, 1-11)

Celebracions en Aragón

Procesión d'as Siete Palabras.

En Zaragoza se fan quatre Via Crucis organizatos por as cofadrías d'as Siete Palabras, o Nazareno, a Exaltación y a Dolorosa y a Procesión d'as tres cayitas organizata por a cofadría d'o Calvario