Mariano Constante
| Mariano Constante Campo | |
|---|---|
| Información personal | |
| Calendata de naixencia | 18 d'abril de 1920 |
| Puesto de naixencia |  Cabosaso (Monegros, Aragón)
|
| Calendata de muerte | 20 de chinero de 2010 |
| Puesto de muerte |  Montpeller (Lenguadoc-Rosellón, Occitania)
|
| Ocupación | Escritor |
Mariano Constante Campo (Cabosaso, Monegros, 18 d'abril de 1920[1] - Montpeller, Lenguadoc-Rosellón, 20 de chinero de 2010[2]) estió un escritor aragonés, qualas publicacions han estau alazetalment os suyos remers d'a desperiencia d'os republicans espanyols en os campos de concentrazión nazis, mientres a Segunda Guerra Mundial
Mariano Constante combatió en a Guerra Cebil Espanyola (entre atras unidatz melitars, en a 130ª Brigada Mixta que feba parte d'a 43ª División) y participó en quantas batallas mientres a guerra, como a Bolsa de Bielsa en o Pireneu aragonés. Estió afiliau a la Juventud Socialista Unificada, y trescruzó a muga enta o destierro en Francia en febrero de 1939. En o suyo exilio en Francia estió en os campos de concentración franceses de Sèt-fonts, Baccarat y Rambervillers.
En principiar a Segunda Guerra Mundial, fue obligau por os franceses a alistar-se a una Companyía de Triballadors Foranos en o Exercito francés, partecipando en a construcción d'as fortificacions d'a Linia Maginot y fue engarcholato por os alemans en chunio de 1940, mientres a batalla de Francia, quan fue feito presoner de guerra por a Wehrmacht a man d'a Linia Maginot. Alazetalment, l'internoron en un Stalag XVII en Austria (Stalag XVII-A en Kaisersteinbruch, u Stalag XVII-B en Krems-Gneixendorf, u Stalag XVII-C en Döllersheim u Stalag XVII-D en Pupping).
Sindembargo, en declarar o Gubierno de Francisco Franco que no teneba garra intrés en a situación d'os espanyols presoners d'os alemans, Mariano Constante fue deportau (como muitos atros espanyols) a o Campo de concentración de Mauthausen-Gusen (Austria) o 7 d'abril de 1941, sobrevivió en o campo y fue liberau en mayo de 1945 por as tropas d'os Aliatos. Mientres a suya prisión en o campo fació parte d'una organización clandestina d'os presoners, y as informacions d'ixe grupo fuoron un elemento d'importancia en as acusacions contra os maximos dirichents nazis en os Chudicios de Nurenberg.
Mientres o franquismo, lo condenoron a 6 penas de muerte, y no tornó a trescruzar a muga enta Espanya dica 1963. Viviba en Francia, en estar un antigo combatient d'o Exercito francés mientres a guerra.
En 2002 recibió a Medalla a los Valors Humans d'o Gubierno d'Aragón.
ObrasEditar
ReferenciasEditar
- ↑ (es) Constante Campo, Mariano, en a Gran Enciclopedia Aragonesa On-line.
- ↑ (es) Ha muerto Mariano Constante, en a pachina web de Radio Huesca.