Mariano Arregui Canela
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Mariano Arregui | ||
|---|---|---|
| Información personal | ||
| Nombre | Mariano Arregui Canela | |
| Embotada | {{{Alias}}} | |
| Naixió | 3 de setiembre de 1937 , Ricla,  Aragón
| |
| Murió | 18 d'agosto de 2010, Tarragona,  Catalunya
| |
| Información musical | ||
| Orichen | {{{Orichen}}} | |
| Estilo | Ixota aragonesa | |
| Ocupancia | {{{Ocupancia}}} | |
| Instrumentos | Cantaire | |
| Tiempo | ||
| Discograficas | ||
| Relacionau con | {{{Artistas_relacionaus}}} | |
| Pachina web | ||
Mariano Arregui Canela, naixito o 3 de setiembre de 1937 de Ricla (Aragón) y muerto o 18 d'agosto de 2010[1] en Tarragona (Catalunya), estió un important cantaire d'ixota aragonesa.
Con nomás 7 anyos gana o suyo primer premio d'ixota en L'Almunia de Donya Godina, feito que fació que decidise tresladar-se a Zaragoza ta recibir clases de Pascuala Perié. En l'anyo 1948 gana o primer premio de Radio Zaragoza.
Con o cambio de voz ye bel anyo sin muita actividat, pero en tornar en l'anyo 1960 gana o primer premio d'o concurso que organiza l'Agrupación Artística Aragonesa en memoria de Pilar Gascón. Cuatre anyos dimpués, en 1964, obtiene o 2º premio d'o certamen d'ixota d'o Concello de Zaragoza, y a l'anyo venient o 1er premio.
En 1969 se proclamará por primera vegata campión d'Aragón d'ixota en o Teatro Prencipal de Zaragoza. En l'anyo 1975 obtendría o primer premio en un concurso nacional d'ixota organizato en a villa d'Epila, a mas de ganar por segunda vegata o campionato d'Aragón.
En 1976 torna a ganar atra vegata en Epila y por tercera vegata, en o escenario d'o Teatro Prencipal, o campionato d'Aragón. En 1977 a mas de tornar a ganar en Epila a Deputación Provincial de Zaragoza le concede o prestichioso Premio Santa Isabel.
En 1979 ganará o cuatreno campionato d'Aragón y en 1980 queda segundo en o concurso en homenache a Demetrio Galán Bergua, ganando tamién ixe mesmo anyo o 4eno en o concurso de misas aragonesas patrocinato por o Capítol d'o Pilar de Zaragoza y a Deputación Cheneral d'Aragón. En 1981 en un homenache en o suyo lugar natal, Ricla, se creya una plaza con o suyo nombre.
En octubre de 1984 fa historia, logrando o cinqueno campionato d'Aragón d'ixota y estando asinas o cantaire que mas vegatas s'ha feito con iste premio.
Muere o día 18 d'agosto de 2010 en o Hespital Chuan XXIII de Tarragona dimpués de sufrir un redame cerebral o día 16 d'agosto, mientres pasaba as vacanzas de verano con a suya familia en Salou.
Referencias
editar- ↑ (es) Fallece el jotero aragonés Mariano Arregui a los 73 anyos. El Periodico de Aragón
Vinclos externos
editar
Datos: Q20604120
