Mammuthus meridionalis

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Mammuthus meridionalis
Reconstrucción de Mammuthus meridionalis
Estau de conservación
Extinto (IUCN)
Rechistro fósil	Dende o Plioceno dica o Pleistoceno
Clasificación cientifica
Dominio:	Eukaryota
Reino:	Animalia
Filo:	Chordata
Clase:	Mammalia
Orden:	Proboscidea
Familia:	Elephantidae
Chenero:	Mammuthus
Especie:	M. meridionalis
Descripción
Mammuthus meridionalis Nesti, 1823

Mammuthus meridionalis (Nesti, 1823) (en bella fuent bibliografica dito Archidiskodon meridionalis) estió una especie d'a familia Elephantidae orichinaria d'Africa que s'estendilló por Eurasia y plegó dica Norteamerica. En un aria de distribución tan gran, evolucionó enta diferents especies de mamuts como respuesta a l'aislamiento cheografico y cambios de biomas que i habió en tot pleistoceno con as glaciacions. La se considera a especie predecedera d'os diferents mamuts que existioron en o hemisferio norte en os milenios posteriors. O suyo primer descriptor, Filippo Nesti, en primeras lo nombró como «Elephas meridionalis» por a suya gran semellanza con l'elefant asiatico moderno.

Teneba una mida gran, con mes de 3,5 m d'altaria en a crucera. As defensas (incisivos superiors con forma de catirón) yeran muito gruesos y presentaban una suau curvatura ent'alto.

En Europa amaneix en o Villafranquián meyo, en concreto en a biozona MNQ 17, fa bels 2 millons d'anyos, y persiste dica o Pleistoceno meyo, en concreto a biozona MNQ 21.

En la zona pirenenca se troba en chacimientos d'a versant sud como por eixemplo en o Pleistoceno inferior d'Incarnal (Chirona), d'o Cardener (Manresa), de Terrassa, d'Horta y Sarrià (Barcelona); y en o Pleistoceno meyo de Bòvila Ordis (Chirona).

Tamién se troba fósil en o villafranquián de La Puebla de Valverde.

Imáchens

• 
  Reconstrucción de l'aspecto frontal d'un adulto
• 
  Cranio y columna vertebral fósils
• 
  Molar.
• 
  Reconstrucción d'o esqueleto d'un adulto.

Se veiga tamién

• Mammuthus lamarmorae.
• Mammuthus columbi.
• Mammuthus imperator.
• Mammuthus trogontherii.
• Mammuthus primigenius.

Bibliografía

• Oscar Arribas. Fauna y paisaje en los Pirineos en la Era Glaciar. Lynx Ediciones. ISBN 978-84-87334-71-9

Vinclos externos

• Se veigan as imáchens de Commons sobre Mammuthus meridionalis.
• Wikispecies tiene un articlo sobre Mammuthus meridionalis.