Linia d'Espira

A linia d'Espira (en alemán Speyerer Linie) u linia d'o Mein (en alemán Main-Linie) ye, en lingüistica alemana, a isoglosa que desepara os dialectos baixoalemans y os centroalemans (a o norte), que han desenvolicau una pausa cheminada en parolas como Appel (en aragonés "manzana"), d'os dialectos altoalemans superiors (a o sud), que han desenvolicau una consonant fricativa Apfel, seguindo a segunda mutación consonantica de l'alemán.

L'alto alemán se subdivide en alemán superior (verde) y alemán central (azul), distinguindo-se d'o baixo alemán (amariello). As prencipals linias isoglosas son marcadas en negro.

A isoglosa discurre d'este a ueste y trescruza a ciudat d'Espira (Speyer, en o estau federau de Renania-Palatinato), seguindo o río Main, motivos por os que prene iste nombre.

En Alemanya a linia ye bien conoixida por o suyo apelativo humoristico, Weißwurstäquator. Iste nombre, que se puet traducir como "o ecuador d'a salchicha blanca" (a tradicional Weißwurst bavara), s'emplega ta enfatizar as diferencias culturals entre o sud (mas que mas a rechión de Bavera) y a resta d'o país.

Se veiga tamién

• Linia de Benrath.
• Linia de Uerdingen.
• Weißwurstäquator.

• Datos: Q1401105