La pequeña Suiza
La pequeña Suiza (títol orichinal en castellano, en aragonés A chicota Suiza, enguerada en Aragón con o suyo títol orichinal) ye una cinta de cine de comedia de l'anyo 2019 coproducida por o cine espanyol y lo cine portugués dirichida por Kepa Sojo seguntes un guión orichinal d'Alberto López, Daniel Monedero, Jelen Morales, Sonia Pacios y Kepa Sojo, con una banda sonora orichinal de Tiago Perestrelo, una dirección de fotografía de Kenneth Oribe, una producción cinematografica de Ricardo Marco Budé, José Luis Jiménez, Kiko Martínez, Ignacio Salazar-Simpson, Katixa Silva y Leonel Vieira ta las productoras Nadie es Perfecto, Kuttuna Filmak, Stopline Films y Mogambo y que conta con un elenco d'actors formau, en os suyos papels principals, por Pêpê Rapazote, Maggie Civantos, Ingrid García Jonsson, Antonio Resines, Karra Elejalde, Anabela Teixeira, Kandido Uranga, Ramón Barea, Secun de la Rosa, Enrique Villén, Jon Plazaola, Mikel Losada, Maribel Salas, Lander Otaola, Susana Soleto, Isabel Guardiola y Iñigo Salinero.
O guión d'a cinta s'inspira en a cinta de cine britanico Passport to Pimlico (1949, Henry Cornelius) y conta cómo Tellería ye un lugar imachinario (remedo de Condado de Treviño en a provincia de Burgos) que encara que perteneixe a la comunidat autonoma de Castiella y Leyón, o suyo territorio ye un enclau adintro d'o País Basco. Os suyos habitants se troban dividius entre los que se consideran bascos y los que se consideran castellans, pero garra d'as dos comunidaz autonomas no amuestra muito intrés por o lugar. Tanimientres, bel día descubren que Guillén Tell, l'heroi nacional de Suiza, ye apedacau en Tellería y que se i conserva un documento que diz que Tellería fa parte de Suiza. Alavez deciden pedir l'anexión d'o lugar a Suiza.
La pequeña Suiza s'ambienta asinas en a suya epoca actual (2019) en Castiella y Leyón y Suiza y las suyas escenas se filmoron en Vitoria y Artziniega en o País Basco.[2]
Elenco[3] editar
| Actor | Papel | Notas |
|---|---|---|
| [[]] | ' |
Se veiga tamién editar
Referencias editar
Vinclos externos editar
- (en) La pequeña Suiza en Internet Movie Database.
- (es) La pequeña Suiza en FilmAffinity.
- (fr) La pequeña Suiza en Allociné.
- (en) La pequeña Suiza en Letterboxd.
- (en) La pequeña Suiza en Netflix.
- (en) La pequeña Suiza en Rotten Tomatoes.