La guerra di Troia
La guerra di Troia' (títol orichinal en italiano, en aragonés A guerra de Troya, enguerada en Aragón con o suyo títol traduciu enta lo castellano como La guerra de Troya) ye una cinta de cine de peplum de l'anyo 1961 coproducida por o cine italiano, lo cine francés y lo cine yugoslavo, dirichida por Giorgio Ferroni seguntes un guión orichinal de Giorgio Ferroni, Ugo Liberatore, Giorgio Stegani y Federico Zardi (inspirada muit librement en a guerra de Troya), con una banda sonora orichinal de Mario Amonini y Giovanni Fusco, una dirección de fotografía de Reno Filippini y una producción cinematografica de Giampaolo Bigazzi ta las productoras Europa Cinematografica, Compangnie Inustrielle Commerciale Cinematographique, Les Films Modernes y Lovcen Film. De l'elenco d'a cinta en fan parte, entre d'atros, os actors Steve Reeves, Juliette Mayniel, John Drew Barrymore, Edy Vessel, Lidia Alfonsi, Warner Bentivegna, Luciana Angiolillo, Arturo Dominici, Mimmo Palmara, Nerio Bernardi, Nando Tamberlani, Carlo Tamberlani, Giancarlo Bastianoni, Giovanni Cianfriglia, Luigi Ciavarro, Giulio Maculani, Nello Pazzafini, Bianca Doria, Andrej Gardenin, Nando Gazzolo, Nino Marchetti y Benito Stefanelli.
Inspirada muit librement en a guerra de Troya y en a Iliada (encara que con a figura d'Eneas s'aleixa prou d'o relato d'a Iliada en colocar-lo en primer plano d'a narración. En a cinta, ya fa diez anyadas que dura lo setio d'a ciudat de Troya, con l'obchectivo de tornar-li a Menalau, o rei d'Esparta, a suya muller (Helena) a qui ha secuestrau Paris. Aquiles ha matau a Hector qui enteriorment heba matau a lo suyo amant Patroclo y Priamo, lo pai d'Hector, viene a reclamar o calavre de su fillo, acompanyau por Eneas. Tanimientres Paris, que ye bien encelau d'Eneas, li prepara un congrenyo, a la vegada que los griegos preparan un plan ta dentrar en a ciudat setiada.
A cinta s'ambienta en Troya (en l'actual Turquía) mientres a guerra de Troya en l'Antiga Grecia y las suyas escenas se filmoron en os Centralni Filmski Studio Kosutnjak en Belgrado (actual Serbia) y en Cinecittà en Roma (Italia).[2]
| Actor | Papel | Notas |
|---|---|---|
| ' |
Se veiga tamién
editarReferencias
editar
Datos: Q886189
