Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Eneas
Eneas
Eneas
Mitolochía: Mitolochía griega
País: Antiga Grecia
Información personal
Pai: Anquises
Mai: Afrodita
Conchuche: Creusa y Lavinia
Fillos: Ascanio u Iulo

Eneas (en griego antigo Αἰνείας, Aineías, en latín Aeneas) ye un heroi d'a mitolochía romana que participó en a guerra de Troya y que dimpués d'a caita d'a ciudat aconsiguió eslampar, emprendendo un viache que lo levaría dica a tierra de Lazio (en l'actual Italia) an dimpués d'una serie d'escayecimientos se convirtió en rei y a la vez en o prochenitor d'o lugar romano, pues en ixa mesma tierra dos d'os suyos descendients, Romulo y Remo, fundarían a ciudat de Roma.

Yera fillo d'o principe Anquises y d'a diosa Afrodita (Venus en a mitolochía romana); o suyo pai yera amás primo d'o rei Príamo de Troya. Se casó con Creusa, una d'as fillas de Príamo, con a cual tenió un fillo, clamau Ascanio u Iulo; en a suya fuyida d'a ciudat acompanyau de toda a suya familia, a suya esposa morió en a ciudat, se le amaneixió tiempo dimpués como una pantasma ta dicir-le que no sufrise por a suya muerte, pus ixe heba estau o suyo destín, asinas como o destín d'Eneas sería d'estar o pai d'una gran nación. Posteriorment ya en a tierra de Lazio, se casó con a princesa Lavinia, filla d'o rei Latín, unión ista a que ye l'orichen mitico d'o lugar romano.

Bibliografía editar

Vinclos externos editar