Menalau
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Menalau (griego antigo: Μενέλαος) estió un rei lechendario d'a Esparta micénica, mariu d'Helena, asinas como una figura central en a Guerra de Troya. Estió chirmán d'Agamenón, rei de Micenas y líder d'as tropas aqueas (griegas). Prominent figura en a Iliada y a Odisea, Menalau tamién estió popular en a trachedia griega. En a Odisea se le veye mas como un heroi d'a guerra troyana que como un miembro d'a condenada familia d'Atreu.
Menalau se convirtió en rei d'Esparta dimpués de casar-se con Helena, a qui seduciría Paris, fillo de Priamo, rei de Troya, causando la guerra de Troya. Baixo o mando d'Agamenón, Menalau y os atros reis griegos fuoron a Troya ta rescatar a Helena. A la fin d'a guerra, Menalau estió un d'os griegos que s'amagó en o caballo de Troya. Dimpués d'a guerra, Helena y Menalau tractoron de tornar a Grecia, pero se veyoron obligaus a fer una travesía que duró ueito anyos. Al fin, Menalau y Helena podioron tornar a Esparta.
Menalau en a Odisea
editarMenalau amaneixe como personache en a Odisea d'Homero, prencipalment en o canto IV. En o viache que facioron pa saber a on yera su pai Ulises, Telemaco plegó a Esparta, an charró con Menalau, que se trobaba acompanyau d'Helena, una vegada que toz dos tornoron a reinar a Esparta. Menalau narró a Telémaco o suyo penoso viache de torno que habió de fer dende Troya: os dioses le heban reteniu en a isla de Faro, en Echipto y allí i habría muerto, de conchunta con os suyos companyers, de fambre, de no estar por Idotea, que le conselló que atrapase a su pai, Proteu, que en ista versión no ye rei d'Echipto, sino un dios marino capaz de convertir-se en cualsiquier animal y mesmo en fuego. Aduyaus por Idotea, Menalau y beluns d'os suyos companyers aconsiguioron sorprender y ensopibar a Proteu, que les informó que heban estau retenius en Echipto por no haber feito os debius sacrificios a os dioses y solament cuan los fació os dioses propicioron aires favorables ta navegar y tornar a la suya patria.
