Indiana Jones and the Last Crusade
| Indiana Jones and the Last Crusade | |
|---|---|
| Títol | Indiana Jones and the Last Crusade |
 Póster d'a cinta. | |
| Ficha tecnica | |
| Dirección | Steven Spielberg |
| Producción | Robert Watts |
| Guión | Jeffrey Boam |
| Musica | John Williams |
| Fotografía | Douglas Slocombe |
| Montache | Michael Kahn |
| Actors | Harrison Ford Denholm Elliott Alison Doody John Rhys-Davies Julian Glover Sean Connery |
| Datos y cifras | |
| País(es) | Estaus Unius |
| Anyo | 1989 |
| Debantadera | 24 de mayo de 1989  Estaus Unius[1]
|
| Chenero(s) | Cine d'aventuras Cine d'acción |
| Durada | 128 min. |
| Idioma(s) | Anglés |
| Companyías | |
| Productora(s) | Lucasfilm Ltd. |
| Distribución | Paramount Pictures |
| Presupuesto | 48 millons de dólars |
| Succesión de cintas | |
| Precedita por | Indiana Jones and the Temple of Doom (1984, Steven Spielberg) |
| Succedita por | Indiana Jones and the Kingdom of the Crystal Skull (2008, Steven Spielberg) |
| Informacions en bases de datos especializadas: | |
          
| |
Indiana Jones and the Last Crusade (títol orichinal en anglés, en aragonés Indiana Jones y la zaguer Cruzada, enguerada en Aragón con o suyo títol traduciu enta lo castellano como Indiana Jones y la última cruzada) ye una cinta de cine estausunidense de cine d'aventuras y acción de l'anyo 1989, dirichida por Steven Spielberg[2] y producida por Robert Watts ta la productora cinematografica Lucasfilm Ltd., con guión de Jeffrey Boam, protagonizada por os actors Harrison Ford, Denholm Elliott, Alison Doody, John Rhys-Davies, Julian Glover y Sean Connery.
Reparto editar
- Harrison Ford como Indiana Jones.[3]
- River Phoenix como lo choven Indiana Jones.
- Sean Connery como Henry Jones, Sr.
- Denholm Elliott como Marcus Brody.
- Alison Doody como Elsa Schneider.
- John Rhys-Davies como Sallah.
- Julian Glover como Walter Donovan.
- Michael Byrne como Ernst Vogel.
- Kevork Malikyan como Kazim.
- Robert Eddison como o guarda d'o Santo Gredal.
- Michael Sheard como Adolf Hitler.
- Alexei Sayle como lo Soldán d'Hatay.
Argumento editar
En 1912, Henry "Indiana" Jones, Jr., de 13 anyadas d'edat, amonta a caballo con a suya tropa de Boy Scouts en o Parque Nacional Arches en Utah. Mientras explora bellas espelungas, Jones descubre una colla de furtaires de fuesas que han trobau un crucifixo dorau que perteneixeba a Francisco Vázquez de Coronado. Jones lo furta con l'asperanza de donar-lo a un museu. Os hombres lo encorren a traviés d'un tren de circo que pasa por astí, deixando a Jones con un curte ensangrentau en a barbeta a causa d'un trucazo de zurriaca y una nueva fobia a las sierpes. Jones fuye, pero l'aguacil local l'obliga a tornar a cruz a los furtaires, qui a l'inte se la entregan a un misterioso benefactor que leva un chapero de Panamá. Impresionau por a valentía d'o nino, o lider d'os furtaires li da a Jones o suyo chapero.
En 1938, Indiana Jones luita contra "Chapero de Panamá" y os suyos secuaces en un barco frent a las costas de Portugal. Escapando-se por a borda chusto antis que o barco esclate, recupera a cruz y a dona a lo museu de Marcus Brody. Mas tardi, Jones s'entera de Walter Donovan que o suyo pai, Henry Jones, Sr., yera buscando o Santo Gredal fendo servir una inscripción incompleta d'una tableta de piedra como guía y dende alavez ha desapareixiu. Jones recibe o diario d'o Gredal de Henry por correu dende Venecia y s'endreza allí con Marcus, an conoixen a la colega austriaca de Henry, a Dra. Elsa Schneider.
Debaixo d'a biblioteca an Henry estió visto por zaguera vegada, Jones y Elsa descubren un conchunto de catacumbas meyo inundadas que auespan a fuesa d'un caballero d'a Primera Cruzada que contiene una versión completa de l'inscripción que Henry i heba emplegau, revelando l'ubicación d'o Gredal. Fuyen cuan as auguas fartas de petrolio d'as catatumbas son pretadas fuego por a Chirmandat d'a Espada Cruciforme, una sociedat secreta que a suya misión ye protecher o Gredal. Jones y Elsa capturan a Kazim, miembro d'a Chirmandat. Cuan Jones explica que o suyo unico obchectivo ye trobar a lo suyo pai, no pas a lo Gredal, Kazim lis diz la ubicación d'Henry. Mirando o diario, Marcus troba un mapa dibuixau por Henry d'a rota a lo Gredal, que prencipia en l'antiga ciudat d'Alexandretta. Jones saca o mapa d'o diario, se lo da a Marcus pa que l'alce y lo ninvia a Iskenderun pa trobar-se con o suyo viello amigo Sallah. Elsa prencipia una relación con Jones antis de que se vaigan a buscar a Henry.
Jones y Elsa s'endrezan a un castiello controlau por os nazis en Austria, an Henry ye deteniu. Jones troba a Henry y lo libera nomás pa estar rapidament capturau por o coronel d'as SS Ernst Vogel. S'entera que tanto Elsa como Donovan son nazis que son fendo servir a los Jones pa trobar-les o Gredal. Elsa se despide de Jones con un beso y se marcha con Donovan y Vogel. Marcus ye capturau en l'estau de Hatay entre que s'achunta con Sallah. Dimpués de fuyir d'o castiello, Henry li diz a Jones que o Gredal ye protechiu por tres trapas y que o suyo diario contiene as pistas necesarias pa pasar-las de forma segura. Desfrazau de coronel de l'exercito alemán, Jones recupera o diario d'Elsa en un mitin de cremada de libros nazi en Berlín y se troba de cara con Adolf Hitler, qui sinya o libro sin reconoixer-lo. Indy y Henry abordan un zeppelin pa salir d'Alemanya, pero son descubiertos y obligaus a fuyir en o suyo biplano parasito. Se produz una baralla con os combatents d'a Luftwaffe; encara que Jones y Henry se veyen obligaus a fer un aterrizache forzoso, sobreviven y espaldan con exito a los suyos perseguidors.
En Hatay, Sallah lis charra d'o secuestro de Marcus. Os nazis han estau equipaus por o soldán de Hatay y ya se son movendo enta la ubicación d'o Gredal, fendo servir o mapa que poseye Marcus. Jones, Henry y Sallah troban a expedición nazi, que ye emboscada por a Chirmandat. Mientres a batalla, Henry ye capturau por Vogel entre que fa un poder rescatar a Marcus; Kazim y os suyos camaradas mueren. Jones encorre a lo tanque a caballo y, con l'aduya de Sallah, salva a Henry y Marcus. Se veye embolicau en una baralla con Vogel, pero fuye chusto antis que o tanque caiga por una cingla, ninviando a Vogel a la suya muerte.
Jones, Henry, Marcus y Sallah alcanzan a los nazis supervivients, lideraus por Donovan y Elsa, que han trobau o templo en o Canyón d'a Luna Creixent an s'alza o Santo Gredal, pero no pueden pasar a primera trapa. Donovan dispara y fiere mortalment a Henry pa obligar a Jones a arriscar a suya vida en as trapas pa trobar o Gredal y fer servir o suyo poder curativo pa salvar a lo suyo pai. Fendo servir l'información d'o diario y seguiu por Donovan y Elsa, Jones supera con seguranza as trapas (que incluyen fuellas de sierra de movimiento rapido, un trencacabezas de parolas y un puent amagau sobre un pozo sin fondo) y plega a la cambra d'o Gredal, que ye cosirada por un caballero. L'hombre s'ha manteniu con vida mientres 700 anyadas gracias a lo poder d'o Gredal, que ye amagau entre docenas de falsos Gredals. O verdadero Gredal atorga vida eterna, demientres que os falsos matarán a cualsiquier usuario. Elsa tría intencionalment una copa equivocada pa Donovan, lo que fa que avielleixca rapidament y se converta en polvo dimpués de beber d'ella. Jones bebe d'una simple copa d'archila que resulta estar o verdadero Gredal, manimenos o caballero advierte que no se puede quitar d'o templo y que o suyo guardián debe remanir adintro pa remanir inmortal.
Jones plena o Gredal con augua bendita y se lo leva a Henry, curando-lo instantaniament. Elsa ignora l'alvertencia d'o caballero y tracta de levar-se o Gredal con ella, fendo que o templo s'espalde a la suya arredol cuan cruceya o Gran Siello colocau en o solero d'a dentrada. Cuan o Gredal caye en un abismo en o solero, Elsa caye en fizau enta a suya muerte tractando de recuperar-lo. Jones cuasi sufre a mesma suerte antis que Henry lo convenza que lo deixe. O Caballero d'o Gredal se despide d'éls entre que fuyen. Dimpués de deixar o templo, os Jones, Marcus y Sallah s'adentran en l'escureixiu.
Se veiga tamién editar
Referencias editar
- ↑ (en) Enguero d'Indiana Jones and the Last Crusade en Internet Movie Database.
- ↑ (en) Joseph McBride: Steven Spielberg: A Biography. Nueva York, Faber and Faber, 1997. ISBN 0-571-19177-0.
- ↑ (en) Duke, Brad (2008). Harrison Ford: The Films. McFarland. ISBN 9780786440481.