Imperio Alemán

	Imperio Alemán; Deutsches Reich
	Lema nacional: Gott mit uns (alemán: «Dios ye con nusatros»)
	Himno nacional: Heil dir im Siegerkranz (no oficial)
	Mapa de l'Imperio Alemán, con as suyas divisions administrativas.
Capital	Berlín
Idioma oficial; • Atros idiomas	Alemán; Polaco, danés, francés, frisón, sorbio, caixubio, lituano, eslovincio
Relichión	Luteranismo (60%) y Catolicismo (40%)
Gubierno	Monarquía constitucional (democracia)
Kaiser; • 1871-1888; • 1888; • 1888-1918	; Guillén I; Frederico III; Guillén II
Reichskanzler; • 1871-1890; • 1909-1917; • 1918; • 1918	; Otto von Bismarck; Theobald von Bethmann-Hollweg; Maximilián de Baden; Friedrich Ebert
Periodo historico	Anyos 1870-Anyos 1910
• Unificación d'Alemanya	18 de chinero de 1871
• Abdicación formal d'o Kaiser	29 de noviembre de 1918
• Proclamación d'a Republica	9 de noviembre de 1918
Superficie; • 1910	; 540 766 km²
Población; • 1910 est.; Densidat	; 64925993 hab.; 120,1 hab/km²
Chentilicio	Alemán/a
Moneda	Goldmark
	Miembro de: Potencias Centrals

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Se conoix con o nombre d'Imperio Alemán a o rechimen politico que bi heba en Alemanya dende o 18 de chinero de 1871, quan remató a Unificación d'Alemanya dimpués d'a Guerra Franco-Prusiana, dica noviembre de 1918, quan Alemanya perdió a Primera Guerra Mundial y o emperador Guillén II abdicó en esclatar a dita Revolución de Noviembre.

O Imperio Alemán yera una confederación d'estatos, que heba succedito a la Confederación Alemana d'o Norte y que, como ista atra confederación, yera controlata por o Reino de Prusia, estando o rei d'iste país l'emperador d'Alemanya. Yera conseqüencia d'una unificación d'Alemanya seguntes a Kleindeutsche Lösung (u "solución d'a chicota Alemanya"), dita asinas por estar una unificación d'os países de luenga alemana sin os territorios d'Austria, que feban parte de l'Imperio Austrohongaro.

D'o Imperio feban parte 22 monarquías, 3 republicas y un territorio imperial, Alsacia-Lorena, y teneba a suya capital en a ciudat de Berlín, que yera amás a capital d'o Reino de Prusia, o estato dominant de l'Imperio. O poder lechislativo yera bicameral, con una primera cambra esleyita por sufrachio universal (354 deputatos) y una segunda cambra con representants nombratos por os reis (u grandes duques u duques) de l'imperio, encara que proporcionalment a l'importancia relativa d'o suyo reino, con a quala cosa o Reino de Prusia yera l'arbitro, nombrando 17 deputatos d'un total de 54.

Mientres os anyos 1930 y anyos 1940 o nazismo clamaba a o periodo de l'Imperio Alemán Segundo Reich, estando considerato como o Primer Reich o Sacro Imperio Romano Chermanico y o Tercer Reich o mesmo rechimen nazi, marcando asinas una pretesa continidat historica entre l'Imperio de radices medievals, o militarismo de l'Imperio Alemán y o nazismo d'o Tercer Reich.

ReferenciasEditar

↑ (an) Diccionario ortografico de l'aragonés (Seguntes la Propuesta Ortografica de l'EFA). Versión preliminar. Estudio de Filología Aragonesa. ISSN 1988-8139. Octubre de 2022.

Vinclos externosEditar

(de) Censo de 1900 en l'Imperio Alemán.

[DORTO-1] (an) Diccionario ortografico de l'aragonés (Seguntes la Propuesta Ortografica de l'EFA). Versión preliminar. Estudio de Filología Aragonesa. ISSN 1988-8139. Octubre de 2022.

[1]