Ignacio Jordán Claudio de Asso y del Río

(Reendrezau dende Ignacio de Asso)
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Ignacio Jordán Claudio de Asso y del Río
Estatua de Ignacio Jordán Claudio de Asso y del Río en l'antiga Facultat de Medicina de Zaragoza, obra de Dionisio Lasuén.
Estatua de Ignacio Jordán Claudio de Asso y del Río en l'antiga Facultat de Medicina de Zaragoza, obra de Dionisio Lasuén.
Información personal
Calendata de naixencia 4 de chunio de 1742
Puesto de naixencia Zaragoza (Aragón)
Calendata de muerte 21 de mayo de 1814
Puesto de muerte Zaragoza (Aragón)
Ocupación Naturalista, churista, historiador, botanico, cheologo, zoologo, filologo, economista y diplomatico

Ignacio Jordán Claudio de Asso y del Río (dito tamién Jordan de Asso u Melchor d'Azagra), naixito de Zaragoza (Aragón) o 4 de chunio de 1742 y muerto en ixa mesma localidat o 21 de mayo de 1814, estió un destacato naturalista, churista, historiador, botanico, cheologo, zoologo, filologo y economista aragonés. Fació os suyos estudios en a suya ciudat natal y en Barcelona, en recebindo-ie una formación acurata mesmo en temas d'ambito cientifico como en temas d'Humanidaz.

Prencipió por publicar bellos estudios sobre temas churidicos en primerías d'os anyos 1770, antis de prencipiar una serie de viaches por Europa. En 1776 se convertió en embaixador en Amsterdam, que en ixe inte yera a capital d'as Provincias Unitas, recebindo en ixe puesto una ampla formación en Economía.

En zaguerías d'os anyos 1770 y primerías d'os anyos 1780 publicó cuantos treballos de tipo cientifico, incluyindo-ie Introductio in Oryctographiam, et Zoologiam Aragoniae. Accedit Enumeratio stirpium in eadem Regione noviter detectarum (1784), que miraba d'estar un inventario completo d'a fauna, a flora y a cheolochía d'Aragón; antiparte, estió uno d'os primers cientificos espanyols en emplegar o sistema de nomenclatura binominal de Carl von Linné. Tamién tradució cuantos textos correspondients a l'epoca de dominio islamico en Aragón.

En un articlo publicato en 1801 en a revista Anales de Ciencias Naturales, Introducción a la ichthyología oriental de España, fació a primera descripción d'as especies de peixes Argyrosomus regius y Salaria fluviatilis.

Mientres os Setios de Zaragoza estió redactor d'a Gazeta extraordinaria de Zaragoza, estando a mas colaborador d'o cheneral José de Palafox y Melci.

Obras editar

Vinclos externos editar