Ignacio Ara
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Ignacio Ara | ||
|---|---|---|
_-_detalle.jpg)
| ||
| Información personal | ||
| Naixencia | 29 d'abril de 1909 Sigüés, Chacetania, Provincia de Zaragoza.
| |
| Muerte | 18 de mayo de 1977 Buenos Aires, Archentina)
| |
| Embote | O catedratico.[1] | |
| Esporte | Boxeyo | |
| Disciplina | Peso meyo y pesau. | |
| Profesional en | 1926 - 1947 | |
| Retirata | 1947 | |
| Premios | ||
| Millor boxiador espanyol de l'anyo 1932, 1934, 1943 y 1945 seguntes ESPABOX.[2] | ||
| Títols | ||
| Campión d'Espanya de Boxeyo de peso medio Campión d'Europa de Boxeyo de peso semi pesado | ||
| 191 combates- 150 victorias (65 KO)- 21 derrotas (0 KO) - 20 nulos | ||
Ignacio Ara Lasaosa, naixito de Sigüés, Chacetania en a Provincia de Zaragoza o 29 d'abril de 1909 y muerto en Buenos Aires, Archentina o 18 de mayo de 1977, fue un boxiyador aragonés que estió campión d'Espanya, campión d'Europa y 3 vegatas aspirant a o títol mundial d'o peso meyo y considerato un d'os millors boxiadors aragoneses y espanyols de siempre y o millor dica l'aparición de Perico Fernández. Aunque nomás bi ha domentaus 191 combates se creye que fació mas de 240, seguntes atros mas de 300,[1] en os que garra vegata perdió por KO y si muitas descalificacions por golpes baixos.
Biografía
editarDende nino fue a vivir a Francia a la localidat de Maule-Lextarre, a on su pai teneba treballo en una empresa de zapatos y yera l'encarregau. Mientres a I Guerra Mundial a familia torna a Aragón y vive en Chaca a on un yayo d'él teneba una talabardería. Una vegata acabata a guerra tornoron a vivir a Francia, y ell aconsiguió un treballo en l'Hotel Point—Neuf de París, o poco tiempo que li deixaba o suyo treballo o aproveitaba ta anar a un frontón a on conoxió a Paulino Uzcudún y Isidoro Gaztañaga que iban o mesmo chimnasio. Un diya Ignacio acompanyó a Gaztañaga a un combate en Sant Sabastián y sin de querer Ignacio terminó debuntando como boxiador contra l'italiano Ambrosini a qui ganó en o primer asalto con ropa que no era d'él, un guants, un calzón y unas botas, tot grandizo ta ell. Dimpués d'iste debut ganó os 36 combates siguients y no podió luitar por o títol espanyol porque Ricardo Alis o gran campión espanyol d'a suya categoría en ixas envueltas, no quereba luitar con ell. Dimpués d'una estada en Francia fue a luitar a Gran Bretanya, Estaus Unius a on fació os suyos combates en l'Olimpia Boxing Hall de Nueva York y zaguerament a Cuba y Mexico. Dimpués torna a Nueva York y luita en o Madison Square Garden. Una vegata establita a II Republica torna a Espanya ta luitar con Ricardo Alis en as Fiestas d'o Pilar, pero no podió ser y luito con Alis en Sant Sabastían pero sin de opción ta aconseguir o títol espanyol, Ignacio li guanyó por KO en o primer asalto.
O suyo enterreco ye en o famoso fosal de La Chacarica en Buenos Aires chunto a Luis Angel Firpo y atros famosos boxiadors d'Archentina.[3]
Honors
editarEn Zaragoza tien dedicata a la suya memoria una calle, y en a suya localiat natal, Sigües, dende l'anyo 2020 se organiza o Trofeu Expabox-Ignacio Ara.[4]
Referencias
editarVinclos externos
editar
Datos: Q61078851
