Iberus
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Iberus | ||||||||||||||||||
 Iberus gualtieranus alonensis | ||||||||||||||||||
| ||||||||||||||||||
| ||||||||||||||||||
Iberus ye un chenero d'a familia Helicidae, clase Gasteropoda endemico d'a Peninsula Iberica. Ye propia de puestos aridos y petrosos. O chenero Iberus ye considerato como a choya d'os gasteropodos terrestres d'a Peninsula. Por ixo a revista d'a Sociedad Española de Malacología se diz Iberus.[1]
Taxonomía
editarO proceso d'especiación d'o chenero Iberus tien relación con a formación d'a Cordelera Betica. As sierras on viven as formas mes estrematas estioron islas y peninsulas a fins d'o Terciario en un brazo de mar que i heba entre a Meseta Espanyola y o microcontinent d'Alborán, que iban amanando-sen porque a microplaca Iberica subduciba baixo a microplaca d'Alborán. En ixas islas y peninsulas a evolución iba enfilata a chenerar especies nuevas. A forma alonensis d'o chenero Iberus que yera en o sudeste d'a meseta s'estendilló muito mes que as formas insulars.
Asinas como l'acercamiento d'as dos placas tectonicas feba que se plegase y s'alzase o fondón marín y emercheba, as islas y peninsulas se convertiban en as sierras d'a Cordelera Betica. A forma d'a meseta se mezcló con as formas insulars (gualterianus, campesinus), que yeran en proceso d'especiación incipient. A polemica ye si considerar as diferents formas d'o chenero Iberus como especies afins que hibridan u como un ciclo de razas con categoría de subespecie. As formas clasificatas como Iberus marmoratus se consideran ya prou diferents d'as formas alonensis, campesinus y gualterianus.
Seguntes Fauna Europaea,[2] o chenero contién dos especies, cadaguna con diferents subespecies:
- Iberus gualtieranus alonensis
- Iberus gualtieranus campesinus
- Iberus gualtieranus carthaginiensis
- Iberus gualtieranus gualtieranus
- Iberus gualtieranus mariae
- Iberus gualtieranus posthumus
- Iberus gualtieranus rhodopeplus
- Iberus marmoratus alcarazanus
- Iberus marmoratus cobosi
- Iberus marmoratus guiraoanus
- Iberus marmoratus loxanus
- Iberus marmoratus marmoratus
- Iberus marmoratus rositae
Manimenos, a taxonomía d'o chenero ye controvertita y bi ha subespecies que son consideratas en bels casos especies independients.
Referencias
editarBibliografía
editar- (es) Rosina Fechter y Gerhard Falkner: Moluscos europeos marinos y de interior. Blume naturaleza.
