Hominidae
| Hominidae | |
|---|---|
 | |
| Clasificación cientifica | |
| Eukaryota | |
| Animalia | |
Filo:
|
Chordata |
| Vertebrata | |
| Mammalia | |
| Primates | |
| Hominidae | |
| Descripción | |
Hominidae
Gray, 1825, | |
| Distribución cheografica | |
 | |
Los hominidos (cientificament Hominidae (Gray, 1825)) son una familia de primates que incluye a os humans y os simios (chimpancés, gorilas y arangutans). Dica fa poco o termin "hominidos" incluyiba en sentiu estricto a los humans y os suyos antepasaus. Os simios (chimpancés, gorilas y arangutans) yeran clasificaus en una familia aparte clamada Pongidae pero dimpués de cuantos estudios cheneticos s'acceptoron a los simios como una subfamilia Ponginae d'a familia Hominidae, os chimpancés se baixoron mas dica a tribu Hominini seguntes cuantos autors. Cualques eruditos mesmo l'han intentau clasificar como parte d'o chenero Homo. Os humans comparten un 99% d'o suyo chenoma con os chimpances, un 97% con os gorilas y 95% con os arangutans.[1]
Morfolochia
editar
Os hominidos son os primates mas grans, con un peso que oscila de 48 a 270 kg. En cheneral, os masclos son mayors que as fembras (dimorfismo sexual), con cuerpos robustos y brazos bien desembolicaus. Tienen numerosas diferencias respective a l'escleto d'os atros primates, especialment relacionadas con o desembolique d'a suya verticalidat.
Toz os miembros d'ista familia tienen cerebros relativament grans y complexos. Tienen as narices proximas una de l'atra y orientadas ente lo frent y enta baixo. A formula dental ye a mesma en toz os miembros d'iste grupo: 2/2, 1/1, 2/2, 3/3 = 32.
Os hominidos son omnivoros, encara que a base d'a suya alimentación gosan estar as fruitas y vechetals: en o caso d'o chimpancé y los humans pueden incluyir atros mamiferos, o que constituye menos d'o 2% d'a suya dieta. Una atra caracteristica ye a complexidat d'o suyo comportamiento social, expresión facial y vocalización complexa. Toz construyen casas u cubilars y cudian muito a las suyas crías mientres un largo periodo; as fembras tienen cheneralment una cría en cada chestación.[2]
Son os animals mas intelichents d'o mundo, tienen prou habilidat pa creyar y utilizar ferramientas, hue en día solament l'Homo sapiens (human) ha aconseguiu expandir-se y dominar a Tierra, as atras especies d'hominidos estan en periglo d'extinción a causa d'a perdida d'o suyo habitat y a caza humana.
Clasificacion
editarEspecies actuals
editar
Bi ha ueito especies vivientes d'hominidos que se clasifican en cuatro cheneros.
- Pongo
- Pongo pygmaeus - arangután de Borneu
- Pongo abelii - arangután de Sumatra
- Pongo tapanuliensis - arangután de Tapanuli
- Gorila
- Gorilla gorilla - gorila occidental
- Gorilla beringei - gorila oriental
- Hominini
- Pan
- Pan troglodytes - chimpance común
- Pan paniscus - bonobo
- Homo
- Homo sapiens - humano
- Pan
Especies y cheneros extinctos
editar- Rama evolutiva humana[3]
- Rama evolutiva d'o chimpancé
- Rama evolutiva d'o gorila
- Rama evolutiva de l'arangutan [4]
- Especies de simios extinctas pero que no han puesto estar relacionadas con os humans, chimpances, gorilas y arangutans.[5]
Referencias
editar- ↑ https://elpais.com/diario/2005/09/01/sociedad/1125525601_850215.html
- ↑ http://animalandia.educa.madrid.org/ficha-taxonomica.php?id=2225&nivel=Familia&nombre=Hominidae
- ↑ http://www.helsinki.fi/~mhaaramo/metazoa/deuterostoma/chordata/synapsida/eutheria/primates/hominoidea/hominidae_1.html#hominidae_2
- ↑ http://www.helsinki.fi/~mhaaramo/metazoa/deuterostoma/chordata/synapsida/eutheria/primates/hominoidea/pongidae.html
- ↑ S. Moya-Sola, D.M. Alba, S. Almecija, I. Casanovas-Vilar, M. Kohler, S. De Esteban-Trivigno, J.M. Robles, J. Galindo y J. Fortuny: A unique Middle Miocene European hominoid and the origins of the great ape and human clade, 2009, PNAS, 106 (24): 9601–9606. doi:10.1073/pnas.0811730106. PMC 2701031. PMID 19487676.
- ↑ David M. Alba y Salvador Moyà-Solà (2012)'Pierolapithecus' y la evolución de los hominidos, en Investigación y Ciencia, num. 435, p. 10-12.
Vinclos externos
editar
