Gramatica de l'anglés

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

La gramatica anglesa ye lo conchunto de reglas que describen la estructura y expresions en la luenga anglesa. Esto incluye la estructuras de parolas, frases, proposicions y oracions.

Bi ha variacions historicas, socials, culturals y rechionas de l'anglés. También bi ha ciertas diferencias gramaticals entre los diferents stándards de l'anglés como l'anglés britanico, l'anglés americano, l'anglés australiano, encara que cuasi no se notan si las comparamos con las diferencias lexicas y de pronunciación.

Clases de parolas editar

En anglés se distingue entre ueito tipos de parola: substantivos (noums), determinants (determiners), pronombres, verbos, adchectivos, adverbios, preposicions y conchuncions. Los determinants, tradicionalment clasificaus chunto con los adchectivos no siempre s'han considerau como un tipo de parola. Las intercheccions son atra clase de parola, pero no se gosan describir en cualques gramaticas por no fer part de las estructuras de proposicions ni oracions.

Los nombres, verbos, adchectivos y adverbios forman clases ubiertas que son prestas p'acceptar nuevas incorporacions, como lo substantivo celebuante (un famoso que frequenta los medios de la moda), parolas nuevas pareixidas relativament. Las otras clases se consideran como clases cerradas. Por eixemplo, ye estranio que siga admeso un nuevo pronombre en lo luengache.

Las parolas anglesas no gosan estar marcadas por la clase de parolas. Por un regular no ye posible dicir dende la forma de la parola a que clase perteneixe, de fueras de, dica cierto punto, en lo caso de parolas con desinencias u sufixos derivacionals. D'atra man, belunas perteneixen a mes d'una clase de parolas. Por eixemplo run puet estar un verbo u un substantivo (n'este caso se considera que son dos lexemas diferents). Los lexemas pueden inflexionar pa expresar diferents categorías gramaticals. Lo Lexema run ("correr") tien las formas runs, ran y running. Las parolas d'una clase pueden derivar de las d'un atra. Esto tiene lo potencial de creyar nuevas parolas. Lo substantivo aerobics ha orichinau l'adchectivo aerobicized.

Las parolas se combinan pa formar frases. Una frase fa tipicament la mesma función que una parola d'una clase particular. Por eixemplo, my very good friend Peter ye una frase que se puet fer servir en una proposición como si fuese un substantivo, y por tanto ye un sintagma nominal. D'igual traza, los sintagmas adchectivals y un sintagmas adverbials funcionan como si fuesen adchectivos u adverbios, pero con atros tipos de frases la terminolochía tien diferents implicacions. Por eixemplo, un sintagma verbal consiste en un verbo chunto con cualques obchectos y atros elementos dependients; un sintagma preposicional consiste en una preposición chunto con lo suyo complemento (y ye por tanto a sobén un tipo de sintagma adverbial); y un sintagma determinant ye un tipo de sintagma nominal con un determinant.

Substantivos editar

Los substantivos forman la clase de parolas mes gran en anglés. Bi ha muitos sufixos usaus pa formar substantivos a partir d'atros substantivos u d'atros tipos de parolas. Como eixemplo d'estos sufixos tenemos lo cognato de l'aragonés -ache: -age (como en shrinkage, "contracción"). Atros sufixo común ye -hood (como en sisterhood, "chermandat"). Manimenos bi ha muitas parolas basicas que no contienen garra sufixo como cat ("gato") o grass ("hierba"). Los substantivos tamién se creyan a sobén por conversión de verbos o adchectivos, como talk ("charrada") o reading ("lectura"): a boring talk, the assigned reading).

A diferencia de muitas luengas relacionadas, los substantivos en anglés no tienen chenero gramatical (encara que muitos substantivos se refieren especificament a personas u animals masclos u fembras, como mother, father, bull, tigress; se veiga chenero en l'anglés). Los substantivos son clasificaus por un regular semanticament (por os suyos significaus) como nombres propios y nombres comuns (Cyrus, China versus. heat, prejudice). Se fa a sobén una distinción entre los substantivos contables como clock y city, y los substantivos incontables como leit y decor. Cualques substantivos pueden funcionar tanto como contables como incontables, y en ye eixemplo la parola wine pa dicir "vin" (This is a good wine, I prefer red wine).

Los substantivos contables tienen las dos formas de numero singular y plural por un regular. En la mes gran part de los casos lo plural se forma partindo de la forma singular anyadindo -[e]s (como en dogs, bushes), encara que bi ha tamién formas irregulars (woman/women, foot/feet, ecetra.), incluyindo casos a on las dos formas son identicas (sheep, series).

Ciertos substantivos pueden fer que lo verbo haiga de prener formas en plural encara que siga un substantivo singular, como en The government were ... (a on the government ye considerau como referiu a la chent que constituye lo guvierno). Esto, una forma de sinesi ye mas común en anglés britanico que en anglés americano. Se parla de singulars con significau colectivo tractaus como plural.

Los substantivos en anglés no tienen terminacions de caso gramatical como en atras luengas, pero tienen formas posesivas, formadas por adición de -'s (como en John's, children's), u chusto un apostrofe (sin de cambio en la pronunciación), en lo caso de plurals en -[e]s y a vegadas atras parolas rematadas con -s (the dogs' owners, Jesus' loce). Mes cheneralment, la terminación puede aplicar-se a sintagmas nominals (como en the man you saw yesterday's sister). La forma posesiva se puet fer servir u como determinant (John's cat) u como sintagma nominal (John's is the one next to Jane's).

Sintagmas nominals editar

Los sintagmas nominals son sintagmas que funcionan gramaticalment como substantivos adintro de las oracions, por eixemplo como subchecto u como obchecto pa un verbo. La mes gran part de los sintagmas nominals tienen un sustantivo como nuclio.

Estructura d'oracions y proposicions editar

Una tipica oración contien una proposición independient u dominant y posiblement una u mes proposicions dependients u subordinadas, encara que ye tamién posible chuntar oracions d'este tipo fendo oracions mas luengas, fendo servir conchuncions coordinativas.

Una oración tipicament contién un subchecto (un sintagma nominal) y un predicau (un sintagma verbal, u siga, un verbo chunto con los suyos obchectos y complementos). Una proposición subordinada u dependient tamién contién una conchunción subordinant (y en lo caso de las proposicions de relativo, un pronombre relativo u frase que'n contienga un). La sintaxi anglesa ye esencialment de lo tipo SVO (subchecto-verbo-obchecto). Lo verbo precede lo suyo obchecto en lo sintagma nominal, y lo subchecto de la oración precede a lo verbo.

Oracions interrogativas editar

Como en muitas atras luengas europeas occidentals, l'anglés permitiba la formación por inversión de las posicións de lo verbo y de lo subchecto. L'anglés morderno permite esto nomás que en lo caso d'una clase de verbos poco numerosa ("verbos especials"), que consisten en verbos auxiliars y formas copulativas de lo verbo to be ("estar").

Pa formar una pregunta dende una oración que no tien este verbo auxiliar u copulativo present, s'ha d'introducir lo verbo auxiliar to do devez que se fa una inversión de l'orden de las parolas. Este proceso gramatical recibe la denominación do-support. Por eixemplo:

  • She can dance. → Can she dance? (inversión de lo subchecto she y l'auxiliar can)
  • I am sitting here. → Am I sitting here? (inversión de lo subchecto I y lo verbo copulativo am)
  • The milk goes in the fridge. → Does the milk go in the fridge? (no bi ha garra "verbo especial" y se precisa de lo do-support)

Lo susdito se refiere a oracions interrogativas directas (con respuesta si u no), manimenos la inversión tamién se fa de la mesma traza en atras oracions interrogativas u preguntas, formadas con parolas interrogativas como where ("a on"), what ("que"), how ("como"), ecetra.

Se fa una excepción cuan la parola interrogativa ye lo subchecto u una part de lo subchecto, y en ixe caso no bi ha inversión. Por eixemplo:

  • I go. → Where do I go? (Oración interrogativa indirecta u wh-question formada con inversión, con do-support requiesto en este caso)
  • He goes. → Who goes? (No bi ha inversion, porque la parola interrogativa who ye lo subchecto)

S'ha de fer notar que la inversión no s'aplica en preguntas indirectas: I wonder where he is (no *... where is he). Las preguntas indirectas se pueden expresar fendo servir if u whether como una parola interrogativa: Ask them whether/if they saw him.

Las preguntas negativas se forman d'una traza similar; manimenos si lo verbo sozmeso a inversión tien una contracción con not, alavez ye posible de invertir lo subchecto con esta contracción como un tot. Por eixemplo:

  • John is going. (afirmativo)
  • John is not going. / John isn't going. (negativo, con u sin de contracción).
  • Is John not going? / Isn't John going? (pregunta negativa, con u sin de contracción).


Gramatica de l'anglés
Fonetica Accentuación · Fonetica · Fonolochía
Morfolochía Adverbios (Adverbios espacials · Adverbios espacials deicticos · Adverbios de tiempo · Adverbios de manera · Adverbios de cantidat · Adverbios d'afirmación, negación y duda · Adverbios conchuntivos · Locucions adverbials) · Articlos en anglés · Chenero · Chenitivo saxón · Conchuncions · Adchectivos · Determinants en anglés (Demostrativos · Indefinitos · Numerals cardinals · Numerals ordinals) · Numero Substantivos incontables · Pronombres Pronombres relativos

· Prefixo · Sufixo · Preposicions · Verbos (Verbos auxiliars · verbos modals · verbos con particla u phrasal verbs · verbos introductors · construccions verbo-nominals)

Sintaxi Concordancia · Negación · Sintagma adchectival · Sintagma nominal · Complemento de rechimen verbal · Sintagma verbal · Do-support · Inversión · Voz pasiva · Oracions condicionals · Proposicions de relativo
Lexicolochía Cultismos · Lexico (Arabismos · Castellanismos · Chermanismos · Escandinavismos · Galicismos · Helenismos · Italianismos) · Semicultismos
Ortografía Normas ortograficas